“SUPER PUNËTORJA” e AKP-së, mban njëkohësisht 5 vende të punës
Autori: H. Smajli 14:49 | 04 July 2022
Një jetë luksoze me shtëpi, villa, apartamente e diamante. Gazeta Infokus raportoi për jetën e pasur që bën, anëtarja e Bordit të Drejtorëve të Agjencisë Kosovare të Privatizimit, Violeta Arifi – Krasniqi.
Mirëpo nuk përfundon me kaq. Ajo përveç punës në këtë institucion ku paguhet hiq më pak se mbi 7 mijë euro në vit, mban njëkohësisht edhe katër vende të tjera të punës.
Sipas raportit të deklarimit të pasurisë, Arifi – Krasniqi së bashku me postin në AKP, mban 5 vende të punës.
Për herë të parë ajo u bë pjesë e bordit të AKP-së në muajin gusht të vitit 2021. Kurse konsulente në Shkollën e Frankfurtit të Financave dhe Menaxhmentit, është njëri nga postet që ajo e mban qysh nga viti 2020, edhe para se të bëhej pjesë e Bordit të AKP-së.
Ndërsa deri në muajin e tetë të vitit 2021 ajo ishte Anëtare e Bordit Drejtues në Bankën për Biznes, e pas kësaj date ajo mban vetëm postin e konsulentes në po këtë bankë.
Violeta Arifi – Krasniqi është po ashtu edhe kryetare e Këshillit të Prindërve në shkollën “Mileniumi i Tretë” . Njëkohësisht ajo punon edhe si kontraktuese e pavarur në kompaninë “Metrica INC”.
Drejtoresha e AKP-së është edhe anëtarja më e pasur e këtij institucioni.
Përveç, shtëpive e tokave, ajo ka deklaruar para të gatshme në banka vendore e ndërkombëtare.
Por, ajo që bie në sy në deklarimin e pasurisë së Violeta Arifi-Krasniqit, janë stolitë prej ari e me diamante të cilat arrijnë vlerën e 12 mijë e 240 euro.
Në kuadër të pasurisë së luajtshme, ajo ka deklaruar një unazë ari 18 karatë me diamant një karat e cila ka vlerën e 3 mijë e 944 euro.
Gjithashtu, sipas raportit të Agjencisë Kundër Korrupsionit, Violeta Arifi-Krasniqi, ka deklaruar byzylyk të arit të bardhë, po ashtu me 18 karatë dhe me diamant një karat, e që kushton 3 mijë e 162 euro.
Mirëpo, pasuria e saj me stoli prej ari nuk mbaron me kaq. Anëtarja e Bordit të AKP-së ka deklaruar një qafore ari 9 karat e me diamant një karat dhe vathë të arit të bardhë 18 karatë me diamant një karat, që të dyja së bashku kanë vlerën e 5 mijë e 134 eurosh./Gazeta Infokus/
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...