Lajme

Studimi e konfirmon: Kombinimi AstraZeneca-Pfizer, rrit 6 herë nivelin e antitrupave!

Autori: Gazeta inFokus 07:51 | 27 July 2021

Studimi më i fundit tregoi se një imunizim i përzierë, duke përdorur së pari vaksinën AstraZeneca, e pastaj duke marrë në dozën e dytë atë të Pfizer/BioNTech, e rrit me 6 herë nivelin e antitrupave në mekanizëm krahasuar me dy doza të AstraZeneca-s.

Hulumtimi i kryer nga një grup shkencëtarësh në Korenë e Jugut, përfshiu 499 punonjës mjekësorë: 100 prej tyre morën doza të përziera, 200 morën dy doza Pfizer/BioNTech dhe pjesa tjetër morën dy doza AstraZeneca. Në të gjithë rastet pati krijim të antitrupave që e ndalojnë virusin nga hyrja në qeliza dhe nga shumimi i tij.

Por më shumë, ato u krijuan tek personat ku u përzjenë vaksinat. Edhe një studim i publikuar muajin e kaluar në Mbretërinë e Bashkuar dilte në përfundimin se një dozë e vaksinës Pfizer/BioNTech, nëse jepet katër javë pas një doze të vaksinës AstraZeneca, prodhon përgjigje më të mirë imunitare. Studimi i Koresë së Jugut gjithashtu analizoi aktivitetin neutralizues edhe ndaj varianteve kryesore të koronavirusit.

-Advertisement-

Asnjë nga kombinimet nuk demonstroi aktivitet të zvogëluar neutralizues kundër variantit Alfa, të identifikuar së pari në Britani, por neutralizimi u ul me 2.5 deri në 6 herë ndaj varianteve Beta, Gama dhe Delta, të zbuluara së pari në Afrikën e Jugut, përkatësisht në Brazil dhe Indi.

Subscribe në YouTube: GAZETA INFOKUSI