Fokus

Skaneri që e përmendi Kurti si ‘arsye’ për lejimin e mallrave serbe – Kjo është kontrata që u ripublikua me ‘përmirësim gabimesh’

Autori: Gazeta inFokus 16:19 | 07 October 2024

Kryeministri i Kosovës, Albin Kurti në një konferencë për media sot pranoi se është ndryshuar masa për moslejimin e produkteve serbe.

Ai tha se ministri i Punëve të Brendshme, Xhelal Sveçla sot i ka dërguar një letër doganës ku thuhet se “në njërën nga pikat kufitare me Republikën e Serbisë, Republika e Kosovës ka ndërruar masën e sigurisë nga kufizimi tek kontrolli i shtuar.

Kurti tha se kjo po bëhet për shkak të mungesës së skanereëve X – Ray të cilët sipas tij do të vendosen në të gjithë kufijtë.

-Advertisement-

“Ne po e bëjmë këtë ndryshim, derisa të na vijnë skanerët të cilët do të vendosen në të gjitha pikat” ka thënë Kurti sot në konferencë.

Por cfarë thotë tenderi i Doganës së Kosovës për furnzimim me këtë skaner.

Që nga data 21 gusht, 2024, Dogana e Kosovës ka hapur tender për “Furnizim me skaner mobil x-ray”, që ka për funksion “inspektimin e maunave, automjeteve, autobusëve dhe mallrave në kufij për nevoja të Doganës së Kosovës sipas karakteristikave teknike të përcaktuara.

Pra bëhet fjalë vetëm për një skaner që sipas kontratës, buxhetit të shtetit do ti kushtojë 2 milionë e 110 mijë euro.

Në po të njëjtën ditë ky tender u ripublikua me disa përmirësime në lidhje me afatet.

Afati i pranimit të ofertavë i cili kishte përfunduar me 1 tetor u shtye deri me 16 tetor.

Ndërsa takimi për hapjen e tenderëve po ashtu u shtye deri me 16 tetor./Gazeta Infokus/

 

 

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

fokus