Ndryshe nga ç’ka mund të mendojmë, zona e natës është një nga hapësirat në shtëpi në të cilën kalojmë një pjesë të madhe të kohës, dhe pse disa nga kjo kohe i dedikohet pushimit apo përgatitjes personale. Është pra e rëndësishme që dhoma e gjumit të jetë e menduar për të qënë një pjesë e shtëpisë shumë funksionale dhe komode, pa harruar aspektin e design-it që duhet të shoqërojë cdo zgjidhje që bëjmë rreth mobilimit.

Tendencat aktuale

Moda e momentit se si të arredojmë dhomën e gjumit bazohet kryesisht mbi funksionalitetin dhe thjeshtësinë, karakteristika këto që vijnë nga stili modern, dhe që respektojë zgjedhjen e një mobilje ndaj një tjetre, në mënyrë që të ketë një harmoni totale në shtëpi. Në veçanti vizioni modern rreth arredimit të dhomës së gjumit është menduar që të jetë i thjeshtë dhe racional. Nga kjo vijnë mbilje me linja shumë të pastra dhe harmonike, që duhet të jenë patjetër të kombinuara me mobiljet e tjera në dhomë.

Një tjetër stil shumë në modë është padyshim design-i minimal që zhvesh ambientin nga çdo gjë që është e tepërt. Krevatet per shembull do të jenë të thjeshta, shpesh pa pjesën e kokës së krevatit ose ajo të ketë përmasa minimale, ndryshe nga stilet e tjera të cilat e potenciojnë këtë pjesë. Edhe elementët e tjerë të ambientit kanë ndikim nga ky stil, si per shembull dollapet, që do të duhet të jenë të vegjël dhe të zhveshur nga tepricat.

Elementët e domosdoshëm

Elementët e domosdoshëm për një arredim të mirë në zonën e natës janë të ndryshëm, por më i rëndësishmi është padyshim krevati, si për nga ana estetike ashtu dhe nga praktike. Edhe pozicionimi i tij, shpesh në mes të dhomës, e bën një nga ato mobiljet të cilën duhet të kemi kujdes se ku e vendosim . Midis alternativave të ndryshme sot mund të zgjedhim midis krevatëve të pajisur me sirtarë të cilët janë praktikë, por njëkohësisht duke ju përgjigjur designit dhe stilit. Duke bërë këtë zgjidhje do të kemi më shumë hapësirë në dispozicion, duke pasur si rrjedhojë mobilje të tjera më të vogla të cilat në total do të lehtësojnë dhomën apo ambientin.

Një tjetër element i rëndësishëm është dolllapi me katër ose gjashtë dyer, ideali për një zonë natë të respektueshme. Madhësia e dollapit në fakt shpesh herë do të varet dhe nga hapësira që kemi në dispozicion , vendosja e një dollapi të madh në hapësirë të vogël jep një efekt shumë negativ. Nga ana tjetër një për ambientet e mëdha këshillohet një dollap i madh, më dyer rrëshqitëse dhe me pasqyra për t’i dhënë më shumë ajër dhe komoditet gjithë dhomës. Një tjetër mobilje të cilës nuk i japim vemendjen e duhur është padyshim komodina e cila duhet të tërheqë ngjyrat dhe stilin e dhomës së gjumit.

Të pyesësh veten se si të arredosh dhomën e gjumit me stil kërkon shumë vëmendje dhe studim që më vonë do të jetë i shpaguar nga një ambient relaksues dhe mikpritës në të cilët mund të kalojmë momente shplodhëse gjatë ditës dhe natës.

Comodita po tërheq klientë seriozë në Panarin IMM, në Këln të Gjermanisë

Sponsoruar