Lajme

SHSKUK-së po i ikin mjekët, jep dorëheqje dhe kirurgu Adem Kllokoqi

Autori: Gazeta inFokus 11:00 | 16 November 2022

Shërbimi Spitalor Klinik Universitar (SHSKUK), çdo ditë e më shumë po e ndjen mungesën e mjekëve profesionist, të cilët po largohen nga aty. E së fundi është larguar nga Klinika e Kirurgjisë Plastike dhe doktor Adem Kllokoqi.

E shkak për largimin e tij thotë të jetë presioni, që i është bërë nga drejtoresha e kësaj klinike Violeta Zatriqi. Kllokoqi për “IndeksOnline”,  thotë se u detyrua të largohet nga SHSKUK-ja, pasi që kishte presion nga drejtoresha Zatriqi, e cila sipas tij po përdor standarde të dyfishta. Madje thotë se ai e ka kryer punën e tij si duhet, por se kjo ia ka turbulluar ujin dikujt aty.

“Unë që 15 vite nuk shkoj për pagë në QKUK, por shkoj me kry profesionin tim. Vazhdimisht presioni ka qenë duke u shtuar nga drejtoresha edhe zgjidhje gjeta largimin nga QKUK ja. Ky presion ka qenë pa bazë. Edhe orarin dhe kujdestarinë e kam mbajtur, nuk e bëjë se frikohem prej dikujt. Por e bëjë se e kam punë, obligim. Mirëpo mandej sikur Edhi tu pi ujë, ujku nga larg thotë se po ma turbullon ujin. Pse e kryej punën time, i këqyri punët e mija, mandej i pengoj dikujt. Mos të kish qenë kështu, ne shqiptarët ndryshe do t’i kishim punët. Kam pas presion vazhdimisht, janë përdor standarde të dyfishta nga drejtoresha. Unë nuk jetojë prej pagës së QKUK-së dhe vendosa me u largu”, thotë Kllokoqi.

-Advertisement-

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme