Lajme

Barduani: Situata e sigurisë në Kosovë e brishtë – shkak angazhimi i pamjaftueshëm në dialog

Autori: Gazeta inFokus 19:01 | 14 April 2025

Komandanti i KFOR-it, Gjeneral Major Enrico Barduani, mbajti sot një seancë informuese përpara Komitetit Ushtarak të NATO-s në selinë qendrore të Aleancës në Bruksel, ku prezantoi gjendjen e sigurisë në Kosovë dhe zhvillimet e fundit të misionit të KFOR-it, shkruan Gazeta Sinjali.

Gjatë prezantimit të tij, Gjenerali Barduani vuri në pah arritjet e gjashtë muajve të fundit që nga marrja e komandës së KFOR-it në tetor të vitit 2024.

Ai theksoi rëndësinë e “një qasjeje operacionale proaktive për të garantuar që KFOR-i të vazhdojë të përmbushë sfidat aktuale dhe të jetë i përgatitur për ato të mundshme në të ardhmen”.

-Advertisement-

Në vlerësimin e tij për gjendjen aktuale, ai nënvizoi se “situata e sigurisë mbetet e brishtë për shkak të disa faktorëve, përfshirë tensionet e vazhdueshme në rajon dhe mungesën e angazhimit të mjaftueshëm nga ana e Beogradit dhe Prishtinës për normalizimin e marrëdhënieve të tyre”.

Në këtë kuadër, ai ritheksoi “mbështetjen e plotë të KFOR-it për dialogun e lehtësuar nga BE-ja si një kornizë për të arritur një zgjidhje të qëndrueshme që do të sjellë përfitime për të gjitha komunitetet”.

Gjenerali Barduani përsëriti gjithashtu “përkushtimin e palëkundur të KFOR-it për një ambient të sigurt dhe të qëndrueshëm për të gjithë qytetarët dhe komunitetet në Kosovë, si dhe për garantimin e lirisë së lëvizjes, në përputhje me mandatin afatgjatë të Kombeve të Bashkuara”.

Kryetari i Komitetit Ushtarak të NATO-s, Admirali Giuseppe Cavo Dragone, vlerësoi lartë prezantimin e Barduanit, duke shprehur mirënjohje për udhëheqjen e tij.

“Ai lavdëroi udhëheqjen e tij dhe arritjet e qëndrueshme të KFOR-it” dhe theksoi se “puna e KFOR-it mbetet thelbësore për konsolidimin e sigurisë afatgjate në Kosovë dhe ruajtjen e stabilitetit rajonal”.

Subscribe në YouTube: GAZETA INFOKUSI
E PREMTJA E BARDHË ME ZBRITJE DERI 50%
-Advertisement-

Të tjera

Fokusi

lajme