Lajme

Krasniqi: Shtatë deputetë të pakicave joserbe të gatshëm për të votuar pro Qeverisë Kurti

Autori: Gazeta inFokus 17:43 | 14 April 2025

Elbert Krasniqi, kryetari i Iniciativës së re Demokratike të Kosovës (IRDK), sot ka deklaruar se shtatë deputetë nga komunitetet pakicë joserbe janë të gatshëm të votojnë për konstituimin e Kuvendit të Kosovës dhe për formimin e një Qeverie të re, udhëhequr nga Lëvizja Vetëvendosje, raporton Gazeta Sinjali.

Krasniqi tha se mbështetja për Qeverinë Kurti është një akt i domosdoshëm, pasi, sipas tij, “Kurti i ka fituar zgjedhjet dhe ka shumicën e shqiptarëve. Tash po i relatizojmë numrat, por është 42.3%, është shumë, është thuajse sa të gjithë të tjerët bashkë dhe për neve ky është një vlerësim i qytetarëve të Kosovës i rëndësishëm dhe që duhet të respektohet”, tha ai para mediave.

Pas regjistrimit si deputet në Kuvendin e Kosovës, Krasniqi konfirmoi se qëndrimi i mbështetjes për Qeverinë Kurti është i njëjtë për të gjithë deputetët e grupit parlamentar të pakicave joserbe, të cilët deri më tani numërojnë shtatë deputetë.

-Advertisement-

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme