Nëse nuk e dinit, shegën e kanë quajtur “bomba e vjeshtës” dhe kjo për arsyen sepse është e mbushur me fibra dhe vitamine C. Një shegë mesatare përmban 72 kalori, 1.5 gram proteina, një gram yndyrë, 16 gram karbohidrate dhe 3.5 gram fibra.

Ky frut është një antioksidant i fuqishëm. Acidi punik, që ajo përmban, ndihmon në trajtimin e obezitetit, diabetit dhe sindromës metabolike. Shega është e pasur me antioksidantë dhe sipas studimeve të shumta ndihmon në luftën kundër kancerit, diabetit dhe sëmundjeve të zemrës.

Duke marrë parasysh vlerat e saj ushqyese, ekspertët shprehen se shegët mund të përmirësojnë shëndetin tuaj nga brenda-jashtë. Kjo është arsyeja pse maska e fytyrës me shegë është një zgjedhje e mirë për lëkurën tuaj, ndihmon në prodhimin e kolagjenit dhe i jep fytyrës freski.

-Advertisement-

Megjithatë në disa raste specifike mund të ketë pasoja negative. Alergjitë janë një nga efektet anësore më negative të shegëve. Simptomat kryerore janë kruajtje, ënjtje, dhimbje në stomak dhe acarim i fytit.

Në disa raste, mund të shoqërohen me vështirësi në frymëmarrje, ënjtje e zonës së fytit dhe gjuhës dhe shok anafilaktik. Mund të shkaktojnë reaksion nëse bien në kontakt me disa barna. Një tjetër efekt anësor i shegëve është bashkëveprimi i rrezikshëm me ilaçe të ndryshme, ndaj këshillohuni me mjekun nëse mund të konsumoni shegë teksa merrni edhe barna. Disa prej tyre janë amitriptyline, desipramine, fluoxetine, tramadol e të tjera. Studimet kanë treguar se shegët mund të ulin presionin e gjakut dhe ky është një lajm i mirë për shumë njerëz.

Megjithatë për personat që kanë luhatje të pakontrolluara të nivelit të presionit të gjakut, këshillohet që të mos konsumojnë shegë. Po kështu, shegët mund të sjellin problemeve gjatë ndërhyrjeve kirurgjikale, ndaj shmangini të paktën dy javë para një operacioni të planifikuar. Të gjithë njerëzit të cilët pinë një gotë me lëng shege çdo ditë për 2 javë, përjetojnë një rritje të hormoneve që nxisin energjinë dhe qarkullimin e vrullshëm të gjakut.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-