SHBA-së i duhen studiues të huaj, por rrezikohet nga spiunazhi
![](https://gazetainfokus.com/wp-content/uploads/2022/07/Screenshot_2-2-600x360-1.jpg)
Autori: Gazeta inFokus
20:28 | 12 July 2022
Drejtorët e shërbimeve të inteligjencës britanike dhe amerikane thonë se bizneset nuk duhet të nënvlerësojnë angazhimin e Kinës për të përdorur spiunazhin për të vjedhur pronën intelektuale. Ata kërkojnë balancimin e nevojës për njerëz të talentuar, që nuk kanë lindur në SHBA, apo Britani, me qëllim të ruajtjes së avantazhit teknologjik ndaj Kinës, ndërsa mbrohet siguria kombëtare dhe ekonomike.
Ligjvënësit e Uashingtonit po debatojnë mënyrat për t’i dhënë Amerikës avantazhin në garën e teknologjisë me Kinën…duke vlerësuar se presidenti kinez, Xi Jinping po i vështron dhe po shpreson që ata të jenë të pasuksesshëm.
Universitetet kërkimore amerikane janë vënë në vijë të parë të frontit.
Studimet tregojnë se mbi 75% e studiuesve të huaj në Shtetet e Bashkuara merren me kërkime shkencore. Shtetet e Bashkuara kanë nevojë për më shumë studiues vendas, që janë diplomuar në fusha shkencore.
“Shumë nga të huajt e diplomuar, ata me diploma doktorature, largohen nga vendi për shkak të çështjeve të emigracionit”, thotë ish-Zëvendës Sekretarja e Mbrojtjes, Kari Bingen.
Zonja Bingen është një nga 18 ish-zyrtarët e sigurisë kombëtare të SHBA-së që nënshkruan një letër, ku i bën thirrje Kongresit, të heqë kufizimet për emigrantët me diploma të avancuara në shkencë dhe teknologji.
“Nëse duam të fitojmë garën në teknologji, ne kemi nevojë për trurin më të mirë që është lindur në SHBA dhe nga e tërë bota”, thotë zonja Bingen.
Por ekspertët e sigurisë thonë se Kina po e shfrytëzon aktivisht mbështetjen e Amerikës tek talentet e huaja.
“Kina ka dërguar individë në SHBA si studiues, studentë, vizitorë të përkohshëm dhe ata kanë kopjuar amerikanët në institucionet akademike dhe institucione të tjera përmes programit të tyre që quhet “Mijëra të Talentuar” në përpjekje për të vjedhur pronën intelektuale amerikane”, thotë eksperti i sigurisë kombëtare, Jamil Jaffer.
Profesori 58-vjeçar i Universitetit Shtetëror të Ohajos, Song Guo Zheng pranoi se ai ishte përpjekur të rekrutonte talente kineze, por i kishte mbajtur përpjekjet të fshehura, që të mos humbiste miliona dollarë fonde nga qeveria amerikane për një program për të ndihmuar Kinën në fushën e mjekësisë. Ai tani po vuan tre vjet burg.
Drejtori i FBI-së, Christopher Wray dërgoi një paralajmërim urgjent për bizneset ditpët e fundit në një paraqitje të përbashkët me shefin e inteligjencës britanike, MI5.
“Qeveria kineze është e vendosur të vjedhë teknologjinë tuaj dhe ta përdorë atë për të dëmtuar biznesin dhe për të dominuar tregun tuaj”, tha zoti Wray.
Kina rreagoi një ditë më pas.
“Këto vërejtje të zyrtarit të inteligjencës ekspozojnë plotësisht mentalitetin e tij të rrënjosur në Luftën e Ftohtë dhe paragjykimin ideologjik”, tha zëdhënësi i Ministrisë së jashtme të Kinës, Zhao Lijian.
Ish-këshilltari i Departamentit të Arsimit Dan Currell thotë se universitetet dhe entitetet që japin grante, duhet të zhvillojnë më shumë masa mbrojtëse për të mbrojtur kërkimet e rëndësishme shkencore.
“Në të vërtetë nuk ka një sistem për verifikimin e njerëzve që janë të përfshirë në programet kërkimore”, thotë zoti Currell.
Ekspertët thonë se zhvillimi i këtij sistemi tani është kritik për të ardhmen e Amerikës, pasi siç paralajmëron ish zëvendës sekretarja amerikane e mbrojtjes, mundësia për humbjen e garës teknologjike me Kinën është serioze./VOA
![](https://gazetainfokus.com/wp-content/uploads/2024/02/Foto-Kryesore.png)
Të tjera
-
Aksident te Posta e Madhe në Prishtinë, bllokohet komunikacioni
Një aksident trafiku ka ndodhur sot në Ulpianë te posta e Madhe në Prishtinë....
-
Telashet me shërbimet telefonik të Valës – zëdhënësi tregon se kur do të zgjidhen
Qytetarë të shumtë janë parë duke u ankuar se herë pas here po kanë probleme ...
-
SPAK për arrestimin e ish-ministrit të Shëndetësisë: Akuzohet për korrupsion dhe fshehje pasurie
Prokuroria e Posaçme kundër Korrupsionit dhe Krimit të Organizuar e Shqipëris...
-
23 vjet nga marrëveshja për paqe në Maqedoninë e Veriut
Më 5 korrik të vitit 2001, Qeveria e Maqedonë dhe përfaqësuesit e shqiptarëve...
-
34 vjet nga okupimi i Radio Televizionit të Prishtinës
Më 5 korrik të vitit 1990, forcat serbe me urdhër të Qeverisë së tyre ndaluan...
-
“Dua të fle gjumë”, Biden ultimatum guvernatorëve demokratë: Jo evente pas orës 20:00
Presidenti i Shteteve të Bashkuara, Joe Biden, u tha guvernatorëve demokratë ...
-
Rohde mbështet deklaratën e Hovenier: Kushtetuesja, i vetmi institucion që mund ta vlerësojë draft-statutin e Asociacionit
Ambasadori i Gjermanisë në Kosovë, Jorn Rohde, ka mbështetur deklaratën Ambas...
-
Fitore historike e Laburistëve në Mbretërinë e Bashkuar! Kryeministri i sapozgjedhur, Keir Starmer: Ndryshimi fillon tani!
Kryeministri i sapozgjedhur Mbretërisë së Bashkuar, Keir Starmer, iu drejtua...
-
Publikohet sot raporti analitik mbi Provimin e Maturës Shtetërore
Sot do të publikohet raporti analitik mbi Provimin e Maturës Shtetërore. K...
-
Komisioni Hetimor interviston sot ish-sekretarin e MPJD-së, Behar Isma
sh-sekretari i Ministrisë së Punëve të Jashtme dhe Diasporës, Behar Isma do t...
-
Mot me diell dhe vranët
Instituti Hidrometeorologjik bën të ditur se sot do të mbajë mot me diell dhe...
-
Sot mblidhen dy komisione të Kuvendit
Sot do të mblidhen dy komisione të Kuvendit të Kosovës. Duke filluar nga o...