Rritja e çmimit të naftës shtrenjton biletat, studentët alarmojnë: Po bëhet çdo ditë më e vështirë
Autori: Rona Veseli
14:54 | 25 March 2026
Rritja e vazhdueshme e çmimit të naftës, që në Kosovë aktualisht ka arritur në rreth 1.80 euro për litër, ka nisur të reflektohet drejtpërdrejt edhe në koston e transportit publik, duke rënduar sidomos mbi kategoritë më të ndjeshme si studentët.
Në disa prej linjave më të frekuentuara, tashmë janë regjistruar rritje të çmimeve të biletave, shkruan Gazeta Infokus.
Në relacionin Prishtinë–Rahovec, çmimi i biletës është rritur nga 3.50 euro në 4 euro, ndërsa në linjën Prishtinë–Mitrovicë nga 1.50 euro në 2 euro.
Po ashtu, rritje është shënuar edhe në linjën Vushtrri–Prishtinë, ku bileta ka kaluar nga 1 euro në 1.50 euro.
Ndërsa edhe linja Gjakovë – Prishtinë ka rritur për 1 euro më shumë çmimin e biletës duke arritur në 6 euro.
Këto ndryshime po godasin drejtpërdrejt studentët, veçanërisht ata që nuk kanë të ardhura, nuk punojnë dhe varen nga mbështetja familjare.
Studentja nga Rahoveci, Qendresa Dulaku, ka thënë për Gazetën Infokus se udhëton çdo fundjavë dhe shpenzon rreth 40 euro në muaj vetëm për transport.
“Nuk punoj, normalisht që është e vështirë, por jo ekstreme”, shprehet ajo, duke shtuar se rritja ndikon, por jo maksimalisht në buxhetin e saj.
Ajo ka një mesazh të qartë për institucionet.
“Ta marrin seriozisht qeverisjen, sepse këto ndryshime po ndikojnë në ardhmërinë e rinisë”.
Ndërkaq, F. M. nga Vushtrria, e cila udhëton pothuajse çdo ditë në relacionin Vushtrri–Prishtinë, thotë se shpenzon rreth 60 euro në muaj vetëm për udhëtimin.
Duke qenë se në familjen e saj ka më shumë se një student, ajo thotë se rritja e çmimit të biletës së autobusit përbën një barrë të rëndë financiare për ta.
“Është e vështirë, sepse shpenzimet mi mbulon familja dhe jemi më shumë se një student”, thotë ajo. Sipas saj, edhe një rritje e vogël ndjehet menjëherë në buxhet. Ndikon relativisht shumë, edhe pse është pak, prapë vërehet në buxhet”.
Madje sipas saj ka reduktuar edhe “daljet me shoqërinë” pikërisht për shkak të shpenzimeve të mëdha.
“Daljet me shoqëri i bëj më rrallë”, ndërsa kërkesa e saj për Qeverinë është që të ketë ndonjë mundësi financimi për studentët në mënyrë që të përballojnë rritjet e vazhdueshme të çmimeve që i prekin drejtpërdrejtë ata.
“Të financohen më shumë studentët që të përballojnë këto shpenzime”.
Ngjashëm shprehet edhe Enesa Mula nga Gjakova, e cila udhëton çdo fundjavë dhe shpenzon rreth 50 euro në muaj.
“Nuk punoj, vetëm studioj dhe shpenzimet mi mbulojnë prindërit, dhe është gjithmonë e më e vështirë, edhe pse rritja është vetëm një euro për ne është e madhe”.
Ajo thekson se, ndonëse nuk ka hequr dorë nga shpenzimet e tjera, situata po bëhet gjithnjë e më e rëndë për familjet kosovare sidomos ato që financojë fëmijët për studimet.
“Qeveria duhet të punojë që të mos humbasim edhe këta qytetarë që kanë mbetur pa emigruar”.
Rritja e kostos së transportit po shndërrohet në një barrë të përditshme për studentët, duke nxjerrë në pah mungesën e mbështetjes konkrete për këtë kategori, në një kohë kur kriza e çmimeve po prek çdo aspekt të jetesës.
Shtrenjtimi i biletave vjen edhe si pasojë e mungesës së ndërhyrjes institucionale, pasi pavarësisht rritjes së vazhdueshme të çmimit të naftës, që po ndodh pothuajse çdo ditë, Qeveria e Kosovës ende nuk ka ndërmarrë masa për të lehtësuar barrën për qytetarët dhe bizneset.
Ndryshe nga vendet e rajonit, të cilat kanë ndërhyrë duke ulur apo duke hequr pjesërisht akcizën edhe me koston e uljes së të hyrave buxhetore, Kosova po vazhdon të mos aplikojë masa të tilla lehtësuese.
Kujtojmë se rritja e çmimit të naftës erdhi si pasojë e konflikteve në lindjen e mesme./Gazeta Infokus
KOSOVA JO – Rajoni ul akcizën për naftën, Qeveria Kurti nuk pranon ta bëjë

T� tjera
-
Projektligji për diplomacinë, Ministri ia merr Presidentes kompetencën për emërimin e konsujve të përgjithshëm
Projektligji i ri për Shërbimin e Jashtëm të Kosovës parasheh ndryshime të rë...
-
Miftaraj: Pa reagimet publike, dënimet ndaj Thaçit dhe të tjerëve do të ishin edhe më të larta
Ehat Miftaraj nga Instituti i Kosovës për Drejtësi (IKD), i ftuar në emisioni...
-
Komuna e Vushtrrisë apelon për kujdes nga erërat e forta
Duke pasur parasysh erërat e forta që po mbizotërojnë aktualisht në Vushtrri ...
-
Zyrtari i lartë i BE-së thotë se çështja e Kosovës është ndër temat që duhet folur me pushtetin e ri në Serbi
Drejtori Gjeneral për Zgjerimin, Gert Jan Koopman, ka folur në një intervistë...
-
Rryma u ndal gjatë testit me studentët, Bajrami ironizon: Kosova e progresit të paparë
Deputetja e Lidhjes Demokratike të Kosovës (LDK), Hykmete Bajrami, e cila ësh...
-
Presidentja Shiroka Pula takon ambasadorin hungarez, këto janë çështjet që ishin në fokus
Presidentja e Kosovës, Justina Shiroka Pula, ka pritur në takim ambasadorin e...
-
Inspektorati i Punës ndërpret punimet në një objekt ndërtimi në Gjakovë – masat e sigurisë nuk u respektuan
Inspektorati Qendror i Punës njofton se ka ndërmarrë masa ndaj një objekti nd...
-
Vrasja e Arlinda Zekajt, drejtoresha e QPS-së pyetet: Në krejt këtë periudhë ku qëndronte fëmija, a është marrë dikush me nënën
Drejtoresha e Qendrës për Punë Sociale (QPS) në Pejë, Shpresa Lukaj, ka dekla...
-
Deliu-Kodra reagon ashpër pas vra*sjes në Suharekë: Si mundet një vra*sës i dënuar në Zvicër të pajiset me ar*më me leje në Kosovë?
rasja e tronditme e ndodhur mesditën e sotme në Suharekë, ku mbeti i vrarë Sy...
-
Drejtoresha e QPS-së në Pejë: S’kemi bërë kërkesë për shtim të stafit, me Arlindën nuk jam takuar asnjëherë
Ushtruesja e detyrës së drejtoreshës së Qendrës për Punë Sociale në Pejë, Shp...
-
Muhaxheri nis dëshminë për rastin e Arlinda Zekajt: QPS kërkoi senzor armësh në hyrje edhe një njeri më të fuqishëm si roje
Kryetari i Komunës së Pejës, Gazmend Muhaxheri, ka nisur dëshminë e tij sot p...
-
Jakup Krasniqit i përfundon vizita, niset drejt zyrave të EULEX-it, qytetarët brohorasin: UÇK, UÇK
Pas rreth gjashtë orëve të qëndrimit në shtëpinë e tij në Prishtinë, Jakup Kr...






























