Rritet numri i rasteve të vdekjeve dhe lëndimeve në vendin e punës
Autori: Gazeta inFokus 16:55 | 12 March 2023
Siguria në punë vazhdon të jetë problem për punëtorët kosovarë. Deri në fund të muajit shkurt, dy persona kanë humbur jetën në vendin e punës, teksa janë shënuar 51 aksidente. Kështu thonë në Inspektoratin e Punës. Ndërsa, nga Sindikata e Sektorit Privat thonë se numri i të vdekurve në vendin e punës është më i madh.
Si pasojë e kushteve jo të mira dhe sigurisë së pamjaftueshme në punë, vazhdojnë të pësojnë një numër i konsiderueshëm i punëtorëve, me lëndime apo vdekje në vendin e punës.
Këtë vit, deri në fund të muajit shkurt kanë vdekur dy persona në vend pune, ndryshe nga viti i kaluar. Këtë e ka bërë të ditur për Radio Kosovën kryeinspektori i Inspektoratit të Punës, Hekuran Nikçi.
“Numri i aksidenteve në dy mujorin e parë të vitit 2023 në tërësi është 51 aksidente, prej tyre 2 kanë përfunduar me vdekje dhe 49 me lëndime. Në vitin 2022, në dy mujorin e parë kanë ndodhur 40 aksidente në punë”, thotë Nikçi për Radio Kosovën.
“Nga këto aksidente nuk ka pasur asnjë vdekje, të gjitha kanë përfunduar me lëndime”.
Ai tha se ndryshimi i numrit të aksidenteve në këta dy muaj dhe vitit paraprak është se tani kemi 11 aksidente ma shumë. “Pra, kemi rritje të numrit”, tha Nikçi.
Kryetari i Sindikatës së Sektorit Privat, Jusuf Azemi, thotë se numri i të vdekurve në vendpune është më i lartë, e kjo është mjaft shqetësuese.
“Deri tani, kemi 6 raste të vdekjeve në vendin e punës. Fatkeqësisht ky vit ka filluar shumë keq”, thotë Azemi për Radio Kosovën.
“Ne e kemi analizuar se pse ka mund të vije situata deri te kjo”.
Ai tha se meqë një pjesë bukur e madhe e punëtorëve të kualifikuar e me përvojë dhe që e njohin më mirë natyrën e punës veç kanë ikur jashtë vendit, tani pronarët e kompanive po marrin punëtorë të pa kualifikuar.
“Kjo po bënë që shpesh herë punëtorët duke mos njohur natyrën e punës edhe po humbin jetën”, tha ai.
Sindikalisti Azemi tutje thotë se në këtë situatë janë të nevojshëm më shumë inspektorë dhe kontrolle në vende të punës.
Ndërkohë, nga Inspektorati i Punës, kanë treguar për Radio Kosovën se gjatë vitit 2022, numri i aksidenteve në vendin e punës ka qenë 394.
Nga këto aksidente, gjatë vitit të kaluar 15 kanë përfunduar me fatalitet.
Të tjera
-
Arratisja e Sekiraqës, Hodaj: Do të verifikojmë nëse policia ka pasur informacione për ikjen e tij nga Kosova
I akuzuari për shtytje në vrasje të policit Triumf Riza më 2007, Enver Sekira...
-
Borrell: Besueshmëria e BE-së në rrezik, shkak mospërfillja e GJND-së nga Izraeli
Shefi i politikës së jashtme të BE-së, Josep Borrell, tha se blloku evropian ...
-
Si ndodhi plagosja e qytetarit në Zonën Ushtarake të FSK-së?
Hyrja është e ndaluar. Kjo pasi në këtë zonë të fshatit Babaj i Bokës në G...
-
Reagon avokati i Radoiçiqit: S’ka pasur negocim me KFOR-in, janë gënjeshtra të ndyta për ta njollosur
Raportin e Grupit Ndërkombëtar të Krizave, përkatësisht një pjesë të saj e ci...
-
Hedhen vaksina nga ajri për të parandaluar tërbimin e kafshëve të egra, Ministri Peci jep detaje
Faton Peci, ministër i Bujqësisë, ka shkruar në Facebook, të dielën për hedhj...
-
Gjatë javës pritet të arrihet koalicioni qeverisës në Maqedoninë e Veriut
Në Maqedoninë e Veriut po vazhdojnë negociatat për krijimin e Qeverisë së re....
-
E pazakontë, tufa e ujqërve zbret në Dragash
Të shtunën një kope me ujqër është parë në fshatin Pllajnik të Dragashit. ...
-
Haziri: Qeveria Kurti bllokoi 1 miliardë e 200 milionë euro për infrastrukturë
I dyti i LDK-së, Lutfi Haziri thotë se janë hiç më pak se 1 miliardë e 200 mi...
-
Partitë politike flasin për zgjedhje të parakohshme, por ende nuk dihet nëse do të mbahen ato
E enjtja pritet të jetë vendimtare se a do të shkojë vendi në zgjedhje të par...
-
Vetura e Ibrahim Rugovës mund të shihet përsëri në rrugë
Kjo veturë me të cilën dikur lëvizte ish-presidenti Ibrahim Rugova, mund të f...
-
Osmani në 25 vjetorin e Masakrës së Tusuzit: Vendosja e drejtësisë për viktimat është përkushtim i çdoditshëm i yni
Presidentja e Kosovës Vjosa Osmani, i ka përkujtuar viktmat e Masakrës Tusuz ...
-
Mbahet kuvendi zgjedhor në nëndegën e PDK-së në Finlandë
Deputeti i PDK-së, Elmi Reçica, përmes një postimi në facebook ka njoftuar se...