Rastet e dhunimit në Kosovë, Qeveria do të krijojë Komision profesional
Autori: Gazeta inFokus 14:22 | 30 August 2022
Pas rastit të dhunimit të së miturës në Prishtinë sot është mbajtur takimi i Grupit të Përgjigjes Emergjente, ndërsa u tha se është ofruar mbrojtja e së miturës dhe shërbimet adekuate mbështetëse.
Në njoftimin e Ministrisë së Drejtësisë u tha se Qeveria do të krijojë një Komision Profesional, i cili do të analizojë dhe rekomandojë veprime konkrete.
Grupi i Përgjigjes Emergjente, gjegjësisht përfaqësues nga Policia e Kosovës, Prokuroria, Mbrojtësit e viktimave, Punëtorët social, Gjykata dhe Ministria e Punëve të Brendshme janë mbledhur me ftesë të zëvendësministres së Drejtësisë, Nita Shala.
Zëvendësministrja Shala, njëherësh koordinatore nacionale kundër dhunës në familje tha “ndajmë shqetësimin lidhur me rastin e dhunimit të vajzës në Prishtinë. Konfirmojmë ndërmarrjen e veprimeve institucionale sipas parashikimeve ligjore.
Sa i takon të dyshuarve, informojmë se janë arrestuar katër prej tyre dhe i dyshuari i pestë, tashmë i identifikuar, është në kërkim.
Me kërkesë të Prokurorit të rastit, dy të arrestuarve të parë iu është caktuar masa e paraburgimit për 30 ditë.
Seanca për paraburgim lidhur me dy të dyshuarit tjerë të arrestuar pritet të zhvillohet brenda afateve të parashikuara ligjore. Është ofruar mbrojtja e të dëmtuarës dhe shërbimet adekuate mbështetëse”.
Ajo tha se nisur nga ndjeshmëria e rastit, duke qenë se kanë të bëjnë me të mitur, kërkojnë mirëkuptimin e gjithsecilit sa i takon detajeve mbi rastin.
“E një rëndësie të posaçme është mbrojtja e integritetit të të miturve në procedurë. Konfirmojmë gatishmërinë e secilit institucion përgjegjës për ndërmarrjen e të gjithë veprimeve, konform legjislacionit në fuqi”, tha ajo tej.
Po ashtu u bë e ditur se Qeveria do të krijojë një Komision Profesional, i cili do të analizojë dhe rekomandojë veprime konkrete në vijim.
Komisioni do të bëjë:
Një hulumtim kriminologjik të faktorëve që çojnë në kryerjen e veprimeve tilla;
Përgjigjet institucionale ndaj rasteve të abuzimit me të mitur;
Zhvillimi i procedurës dhe epilogu i rasteve të kësaj natyre si rezultat i veprimeve të prokurorisë dhe gjykatave në Republikën e Kosovës, për një periudhë 5 vjeçare.
Fëmijët e vajzat tona kanë të drejtë të jetojnë të lira prej dhunës. Jemi të vetëdijshëm për obligimin institucional për të garantuar që të njëjtat të shkojnë pa frikë të dhunimit në shkollë, punë a kudo nëpër hapësirat publike”.
Grupi do të rimblidhet sërish brenda kësaj jave. /Telegrafi/
Të tjera
-
Kusari -Lila thotë se Kosova “ndoshta” do të bëhet anëtarë e KiE para fundit të vitit
Shefja e grupit parlamentar të Vetëvendosjes, Mimoza Kusari- Lila, ka thënë ë...
-
Abdixhiku thotë se Kurti e ka sjellë Serbinë si temë kryesore: Nëse ka merak, ia hapë një ministri për veriun dhe e bëj ministër
Kryetari i Lidhjes Demokratike të Kosovës, Lumir Abdixhiku, në “Pressing” të ...
-
Allen: Rusia kërkon kaos dhe ndarje të Ballkanit Perëndimor
Nënsekretarja amerikane e Shtetit për Diplomaci dhe Çështje Publike, Elizabet...
-
Matoshi: Kurti s’vlen më si kryeministër për aleatët
Kohëve të janë shtuar zërat për shkuarje në zgjedhje të parakohshme. Për o...
-
Nënsekretarja amerikane e Shtetit: Jemi thellësisht të përkushtuar për sigurinë e veriut të Kosovës
Nënsekretarja amerikane e Shtetit për Diplomaci dhe Çështje Publike, Elizabet...
-
Osmani: Çdo sukses i Kosovës mban edhe vulën e SHBA-së
Presidentja e Kosovës, Vjosa Osmani, ka takuar sot Zëvendës Ndihmës Sekretare...
-
Bastisja në Veri, Policia sekuestron 1.6 milionë euro dhe mbi 637 mijë dinarë
Policia e Kosovës ka jap detaje shtesë lidhur me aksionin e zhvilluar gjatë d...
-
Abdixhiku për darkën Kurti-Krasniqi: U rrahën me grushte e tash u bënë bashkë
Kryetari i Lidhjes Demokratike të Kosovës, Lumir Abdixhiku tha është shumë e ...
-
Kjo zonë parashikohet të ketë stuhi të fuqishme dhe përmbytje pasditen e së martës
Pas shiut të rrëmbyeshëm që përfshiu orët e para të mëngjesit Prishtinën dhe ...
-
Kërkohet ndihmë për shërimin e 18-vjeçarit, Argjend Jonuzaj nga Prizreni
Argjend Jonuzaj nga Komuna e Prizrenit ka nevojë për ndihmën tuaj. 18-...
-
VV e do të “unifikuar” opozitën për të shkuar në zgjedhje, PDK, LDK dhe AAK kanë dallime
Partia Demokratike e Kosovës u kërkoi të hënën partive politike parlamentare ...
-
Ceremonitë mortore për presidentin iranian do të nisin të martën e ardhshme
Ceremonitë mortore për presidentin iranian, Ebrahim Raisi, dhe shokët e tij d...