Oliver Ivanoviqit
Ish-deputetja e Kuvendit të Kosovës, kryetarja aktuale e ‘Lëvizjes Evropiane të Serbëve nga Kosova e Metohia’ Rada Trajkoviq thotë se asaj i është ofruar kopja e një videoincizimi ku ishte regjistruar vrasja e Oliver Ivanovq,e politikanit serb të Kosovës në veri të Mitovicës.

Trajkoviq ka thënë për mediat serbe se nuk kishte pranuar ta merrte videokasetën, duke deklaruar se provat duhet të dorëzoheshin në prokurori në Prishtinë.

“Para se të shkoja në Mitrovicën e Kosovës, unë kam përjetuar një presion të jashtëzakonshëm. Më thanë se atje më presin grupe të ndryshme mafioze dhe do të më vrisnin. Ata erdhën edhe në selinë e koalicionit tonë ‘Liria’”, tha Trajkoviq.
Sipas Trajkoviq, e cila fushatën parazgjedhore e hapi në Mitrovicë të Veriut në vendin ku u vra Ivanoviq në vitin 2018, ka thënë se nuk i ka pranuar provat pasi ka konsideruar se duhet t’i ketë prokurori.

-Advertisement-

“Disa njerëz, do nga qarqe jo transparente, më ofruan kopjen e një videoincizimi të vrasjes së Oliver Ivanoviqit. Më thanë që njëra kopje i është dhënë dikujt nga autoritetet shtetërore dhe tjetra më është ofruar mua. Unë thashë që as nuk e marr dhe as nuk jap para, dhe se provat, nëse i kanë, duhet t’i ofrohen prokurorit Syla në Prishtinë”, tha Trajkoviq .

Ajo gjithashtu tha se nuk do të heqë dorë asnjëherë nga zbulimi i kryesit të vrasjes së Ivanoviqit dhe se nuk do të përdorë fushatën zgjedhore për promovimin e saj, por për t’u treguar qytetarëve se cila është politika e presidentit serb Vuçiq ndaj Kosovës.
Ajo tha se jo gjithmonë ishte dakord me Ivanoviqin politikisht, por se ata kishin qëllime unike politike.

“Unë ende e ruajë porosinë e Oliverit që më është dërguar pesë ditë para vrasjes së tij, në të cilën thuhet: ‘Ndoshta do të më vrasin, por nuk mund të ndalem, sepse do ta turpëroja familjen time. Kjo nuk do të ishte krenaria e familjes sime’”, tha Trajkoviq.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-