Lajme

Qytetari me mesazh të fortë nga protesta: Kush e konsideron të drejtë gjykimin ndaj krerëve të UÇK-së, nuk është i mirëpritur në shtëpinë time

Autori: Gazeta inFokus 13:13 | 06 October 2026

Një qytetar ka tërhequr vëmendjen gjatë protestës së sotme në Prishtinë me një mesazh të gjatë të vendosur në pjesën e pasme të bluzës së tij, lidhur me gjykimin ndaj ish-krerëve të Ushtrisë Çlirimtare të Kosovës.

Në mesazhin e nënshkruar me emrin Selami Popaj, ai shpreh qëndrimin se personat që e konsiderojnë të drejtë gjykimin ndaj krerëve të UÇK-së nuk janë të mirëpritur në shtëpinë e tij, pavarësisht lidhjeve që mund të ketë me ta.

“Ata që mendojnë se ky gjykim ndaj krerëve të UÇK-së ka qenë i drejtë, pa marrë parasysh se kush janë, qofshin edhe të lidhur familjarisht me mua, nuk janë të mirëpritur në shtëpinë time”, thuhet ndër të tjera në mesazh.

-Advertisement-

Popaj e lidh qëndrimin e tij me mënyrën se si e vlerëson luftën e UÇK-së dhe sakrificën e dëshmorëve.

“Të nxjerrësh baltë mbi luftën tonë çlirimtare do të thotë të shkelësh mbi gjakun e dëshmorëve, mbi sakrificën e një populli të tërë dhe mbi historinë më të lavdishme të kombit tonë”, shkruhet në bluzë.

Mesazhi vazhdon me deklaratën se me personat që mbajnë qëndrime të tilla ai nuk dëshiron të ketë raporte.

“Me të tillë nuk kam vend në tryezë, as në shtëpi, as në jetë”, thuhet në mesazh.

Në fund, ai thekson se këtë qëndrim nuk e konsideron urrejtje apo hakmarrje.

“Kjo nuk është urrejtje – është qëndrim! Kjo nuk është ndasi – është ndërgjegje! Kjo nuk është hakmarrje – është respekt! Dhe këtë qëndrim nuk e ndryshoj për asnjë njeri”, përfundon mesazhi, i shoqëruar me mbishkrimin “UÇK-ja, historia jonë! Rroftë UÇK-ja!”./Gazeta Infokus 

Mesazhi i plotë:

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy