Lifestyle

Pse është përgjysmuar numri i spermatozoidëve?

Autori: Gazeta inFokus 12:49 | 04 May 2021

Në 40 vitet e fundit, numri i spermatozoidëve te burrat është përgjysmuar. Këto janë të dhëna shumë shqetësuese, sipas Shana Swan, profesoreshë e mjekësisë mjedisore dhe shëndetit publik në shkollën e mjekësisë “Mount Sinai” në New York.

Ajo tha se ulja e pjellorisë te burrat lidhet me disa kimikate, që ndërhyjnë në shëndetin riprodhues. Këtu ajo përmend “Phthalates”, që përdoren për të bërë plastikën më fleksibël dhe të qëndrueshme.

“Ato ulin testosteronin, i cili mund të ndikojë në numrin e spermatozoideve, megjithëse janë të këqija edhe për gratë, dhe mund të rrisin rrezikun e abortit dhe lindjes së parakohshme. Kriza riprodhuese është serioze. Ne duhet të përpiqemi të kufizojmë ekspozimin tonë ndaj këtyre kimikateve, përndryshe mbijetesa e njeriut mund të kërcënohet”, tha Shana Swan.

Dr. Shanna Swan ka kaluar më shumë se 20 vjet duke ekzaminuar sesi kimikatet në plastikë po shkaktojnë rënien e pjellorisë sonë.

Të tjera