Promovohet libri “Kryemjeshtri”, kushtuar trajnerit të xhudos
Autori: Gazeta inFokus 14:36 | 22 February 2023
Libri me titull “Kryemjeshtri” i autorit Arsim Maxhera është promovuar sot në Biblotekën Universitare të Kosovës. Ky libër iu ka kushtuar trajnerit më të mirë në botë në sportin e xhudos, Driton Kuka.
Roli i trajnerit Kuka në promovimin e Kosovës në arenën ndërkombëtare u vlerësua lartë nga figura të shquara nga fusha e sportit dhe politikës në vend, duke e cilësuar atë si udhëheqësin e sukseseve të njëpasnjëshme që Kosova i ka arritur përmes xhudos.
Ministri i Ministrisë së Kulturës, Rinisë dhe Sportit, Hajrulla Çeku tha se ky libër do të dëshmojë dhe do të shpalos rrugën e gjatë të përshkuar nga trajneri Driton Kuka deri te sukseset kulminante.
Ai tutje theksoi se sporti i xhudos do të ketë përkrahjen e vazhdueshme të kësaj ministrie dhe të shtetit në mënyrë që të sigurohet vazhdimësia e sukseseve në këtë sport, formulën e të cilave Kuka duhet ta mbaj sekrete përballë shteteve të tjera.
“Xhudo na ka dhuruar me bollëk dhe jemi të sgurtë që do të vazhdojë të na dhuroj edhe në të ardhmen, por ngjarja e sotme, jo rastësisht është pjesë e kalendarit zyrtar shtetëror për shënimin e 15 vjetorit të pavarësisë së Kosovës dhe 25 vjetorit të epopesë së Ushtrisë Çlirimtare të Kosovës. Janë disa personalitete, disa emra, pa të cilët nuk mund të tregohet rrëfimi i Republikës së Kosovës dhe kjo shkon natyrisht përtej personaliteteve tashmë të njohura ose që janë pjesë e botës politike ose intitucionale dhe besoj shumë që Driton Kuka është njëri nga këta emra, njëri nga këta personalitete që i jep nder kombit, shtetit dhe Republikës së Kosovës.”, tha Çeku.
Kurse, Presidenti i Komiteti Olimpik të Kosovës, Ismet Krasniqi, duke e falenderuar autorin për librin e botuar, tha se medaljet e shumta, në mesin e të cilave tri të arta olimpike dëshmojnë dhe vërtetojnë se puna e Tonit është e pakrahasueshme dhe e papërsëritshme në këtë sport. Ai bëri të ditur se KOK-u do të punoj edhe një botimin e një libri për sukseset e xhudos të arritura në Lojëra Olimpike në Tokio 2020, shkruan KP.
“Falë tij ne jemi në mesin e 80 shteteve të botë sme tri medalje të arta dhe falë tij edhe xhudistëve, shumë shpejtë mund të jemi në mesin edhe të 50 shteteve më të suksesshme.Ky libër, të cilin mezi pres ta lexoj është një tjetër akrivë e historisë sonë të artë, të cilën do ta trashëgojnë gjenerata të shumta. Kur jemi tek libri, Bordi Ekzekutiv i Komitetit Olimpik të Kosovës, ka marr vendim që pas librit “Debutimi i Artë” të Majlinda Kelmendit, një të tillë ta bëjmë edhe këtë vit me sukseset e dyfishta të arta në Tokio 2020 të Norës dhe Distrisë”, tha Krasniqi.
Autori i librit, Maxhera theksoi se megjithëse ka shumë më shumë për t’u thënë për Driton Kukën, aty ka detaje që asnjëherë më parë nuk janë bërë publike.
“Ata që bashkëpunojnë me Tonin, sidomos xhudistët e dinë se sa kërkues është, sa shumë kërkon prej bashkëpunëtorëve, prej nxënësve të tij dhe mirë që është kështu. Kjo ka bërë që edhe unë të jem pak më kërkues gjatë punës që e ka bërë për afër tre vite dhe mënoj që e kemi bërë një vepër të mirë. Nuk po pretendoj që i kemi përmbledhur të gjitha, ka shumë më tepër të për të shkruar dhe raportuar për Tonin, por përfundimisht maksimumin e kemi dhënë. Ka shumë gjëra që nuk dihen për Tonin dhe që janë në libër”, u shpreh Maxhera.
Vet “kryemjeshtri”, Driton Kuka pasi pranoi kompjen e parë të librit tha para të pranishmëve se ndihet krenarë për punën dhe sukseset e arritura deri më tani por që është i bindur gjithmonë se ka mundur dhe mund të bëhet edhe më shumë.
Ai tha se libri i promovuar sot do të mundësojë sukseset e arritura të mbeten si trashëgimi për brezat e rinj.
“Diçka çfarë kam pasur në mendje tërë kohën është që po shpresoj shumë që ky libër të plotësohet tutje me rezultate, me medalje, me të arritura jo vetëm me të mia, por ndoshta edhe me të tjerëve që do të vijnë pas meje më punën e trajnerit dhe komunitetin e xhudos, por jo vetëm, edhe në sportin e Kosovës….Jam shumë krenar që kam punuar me tri kampione olimpike edhe me shumë tjerë që po vijnë edhe po besoj fuqishëm që kjo do të vazhdojë tutje.”, theksoi Kuka.
Të pranishëm në promovimin e librit ishin edhe figura të ndryshme nga jeta politike, si kryetari i Partisë Demokratike të Kosovës, Memli Krasniqi dhe i Aleancës për Ardhmërinë e Kosovës, Ramush Haradinaj, po edhe personalitete nga fusha të tjera.
Të tjera
-
Arratisja e Sekiraqës, Hodaj: Do të verifikojmë nëse policia ka pasur informacione për ikjen e tij nga Kosova
I akuzuari për shtytje në vrasje të policit Triumf Riza më 2007, Enver Sekira...
-
Borrell: Besueshmëria e BE-së në rrezik, shkak mospërfillja e GJND-së nga Izraeli
Shefi i politikës së jashtme të BE-së, Josep Borrell, tha se blloku evropian ...
-
Si ndodhi plagosja e qytetarit në Zonën Ushtarake të FSK-së?
Hyrja është e ndaluar. Kjo pasi në këtë zonë të fshatit Babaj i Bokës në G...
-
Reagon avokati i Radoiçiqit: S’ka pasur negocim me KFOR-in, janë gënjeshtra të ndyta për ta njollosur
Raportin e Grupit Ndërkombëtar të Krizave, përkatësisht një pjesë të saj e ci...
-
Hedhen vaksina nga ajri për të parandaluar tërbimin e kafshëve të egra, Ministri Peci jep detaje
Faton Peci, ministër i Bujqësisë, ka shkruar në Facebook, të dielën për hedhj...
-
Gjatë javës pritet të arrihet koalicioni qeverisës në Maqedoninë e Veriut
Në Maqedoninë e Veriut po vazhdojnë negociatat për krijimin e Qeverisë së re....
-
E pazakontë, tufa e ujqërve zbret në Dragash
Të shtunën një kope me ujqër është parë në fshatin Pllajnik të Dragashit. ...
-
Haziri: Qeveria Kurti bllokoi 1 miliardë e 200 milionë euro për infrastrukturë
I dyti i LDK-së, Lutfi Haziri thotë se janë hiç më pak se 1 miliardë e 200 mi...
-
Partitë politike flasin për zgjedhje të parakohshme, por ende nuk dihet nëse do të mbahen ato
E enjtja pritet të jetë vendimtare se a do të shkojë vendi në zgjedhje të par...
-
Vetura e Ibrahim Rugovës mund të shihet përsëri në rrugë
Kjo veturë me të cilën dikur lëvizte ish-presidenti Ibrahim Rugova, mund të f...
-
Osmani në 25 vjetorin e Masakrës së Tusuzit: Vendosja e drejtësisë për viktimat është përkushtim i çdoditshëm i yni
Presidentja e Kosovës Vjosa Osmani, i ka përkujtuar viktmat e Masakrës Tusuz ...
-
Mbahet kuvendi zgjedhor në nëndegën e PDK-së në Finlandë
Deputeti i PDK-së, Elmi Reçica, përmes një postimi në facebook ka njoftuar se...