Lajme

Presidenti Begaj takon Stoltenberg-un: Rusia, kërcënim për paqen dhe stabilitetin në rajon

Autori: Gazeta inFokus 13:40 | 07 March 2023

Në konferencën e përbashkët me Sekretarin e Përgjithshëm të NATO-s, Jens Stoltenberg, nga selia qendrore në Bruksel, Presidenti i Shqipërisë, Bajram Begaj, vlerësoi bashkëpunimin me Aleancën në të gjitha sfidat e përbashkëta sa i përket mbrojtjes dhe ruajtjes së sigurisë rajonale dhe asaj botërore.

Sipas Begajt, Shqipëria qëndron në krah të Ukrainës dhe e mbështet atë në të gjitha drejtimet, ndërsa sulmoi Rusinë se po tenton të prishë stabilitetin dhe qetësinë në rajon.

“U bë më shumë se një vit që u bëmë dëshmitarë të një lufte konvencionale. NATO ka demonstruar kohezion dhe forcë reagues për të mbrojtur çdo territor të aleancës. Zgjerimi i aleancës është detyrim ndaj anëtarësimi i Suedisë dhe Finlandës është i mirëpritur dhe i domosdoshëm.

-Advertisement-

Shqipëria qëndron në krah dh do të vazhdojë ta mbështesë Ukrainën në të gjitha drejtimet, për aq kohë sa të jetë e nevojshme. Rusia përbën kërcënim direkt ndaj NATO-s dhe Ballkanit Perëndimor. Qëllimi i saj është prishja e paqes deh stabilitetit të vendeve të rajonit.

Shqipëria përshëndet dhe mbështet dialogun Serbi – Kosovë. Plani evropian për normalizimin e marrëdhënieve është një hap pozitiv. Vlerësoj angazhimin e NATO-s në rajon dhe praninë e KFOR në Kosovë. Jemi përpara sfidave të mëdha që kërkojnë vendime të guximshme. Shqipëria vlerëson kërcënimin që vjen edhe nga Irani. Kujtojmë sulmet kibernetike ndaj sistemeve qeveritare në Shqipëri.”, u shpreh ndër të tjera në fjalën e tij Presidenti Bajram Begaj.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme