Premtoi gjithëpërfshirje, Kurti nuk e zbaton ligjin për personat me nevoja të veçanta as në Zyrën e tij
Autori: Rona Veseli
14:24 | 13 July 2026
Punësimi i personave me aftësi të veçanta në institucionet publike po vazhdon të mbetet një sfidë e madhe, ndërsa të dhënat tregojnë se shumica e ministrive dhe jo vetëm nuk e përmbushin obligimin ligjor për përfshirjen e tyre në tregun e punës.
Pavarësisht se ky pushtet ka premtuar në vazhdimësi qasje të barabartë për personat me aftësi të veçanta, në realitet të dhënat nga ministritë tregojnë se ka ndodhur krejtësisht e kundërta.
Madje kryeministri aktualisht në detyrë Albin Kurti, me të marrë mandatin në vitin 2021, bëri premtime të mëdha për këtë kategori, duke deklaruar se vitin 2022 do ta shpallte “vit i personave me aftësi të kufizuara.
“Në # IDPD21, Qeveria e Republikës së Kosovës ka caktuar vitin 2022 – vit i personave me aftësi të kufizuar. Ne mbetemi të përkushtuar të punojmë së bashku me personat me aftësi të kufizuar dhe organizatat që i mbështesin ata, për një shoqëri gjithëpërfshirëse me mundësi për të gjithë”, kishte shkruar Kurti në Twitter në dhjetor të 2021-es.
Por për më shumë se 6 vite qeverisje, ligjin për qasje në tregun e punës për personat me nevoja të veçanta, Kurti nuk arriti ta zbatonte as në zyrën e tij.
Të dhënat që Gazeta Infokus ka siguruar nga Ministria e Digjitalizimit dhe Administratës Publike TREGOJNË se janë vetëm tre ministri të Kurtit nga 20, që e zbatojnë ligjin për Aftësimin, Riaftësimin Profesional dhe Punësimin e Personave me Aftësi të Kufizuara.
“Ligji Nr. 03/L-019 për Aftësimin, Riaftësimin Profesional dhe Punësimin e Personave me Aftësi të Kufizuara obligon çdo punëdhënës që të punësojë të paktën një person me aftësi të kufizuara në çdo 50 punëtorë”, thuhet në këtë ligj.
Sipas këtyre të dhënave, ministritë kanë gjithsej 12,987 të punësuar, ndërsa vetëm 109 prej tyre janë persona që i takojnë kësaj kategorie të shoqërisë.
Sipas kuotës së përcaktuar me ligj, qeveria do të duhej të kishte të punësuar rreth 260 persona me aftësi të kufizuara, që do të thotë se mungojnë më shumë se gjysma apo 151 persona të tjerë të punësuar për të përmbushur obligimin ligjor.
Vetëm tri ministri e përmbushin kuotën ligjore.
Nga të dhënat e analizuara rezulton se vetëm tri ministri e përmbushin kuotën ligjore për punësimin e personave me aftësi të veçanta.
Bëhet fjalë për institucionin më të ri, Ministrinë e Digjitalizimit dhe Administratës Publike, që ka 233 të punësuar dhe gjashtë persona me aftësi të veçanta, Ministrinë për
Zhvillim Rajonal me 51 të punësuar dhe dy persona me aftësi të kufizuara, si dhe Ministrinë për Punë, Familje dhe Vlerat e Luftës Çlirimtare, e cila ka 541 të punësuar dhe 15 persona me aftësi të veçanta.
16 ministri dhe zyra e kryeministrit nuk e zbatojnë ligjin për punësim të personave me nevoja te veçanta
Në anën tjetër, pjesa dërrmuese e ministrive përfshirë këtu edhe zyrën e kryeministrit Kurti, nuk e përmbushin kuotën e përcaktuar me ligj.
Mospërputhjet më të mëdha evidentohen në Ministrinë e Drejtësisë, e drejtuar nga Donika Gërvalla, e cila ka 2,030 të punësuar dhe vetëm gjashtë persona me aftësi të kufizuara, ndonëse sipas kuotës ligjore do të duhej të kishte mbi 40.
Situatë e ngjashme paraqitet edhe në Ministrinë e Financave, Punës dhe Transfereve e drejtuar nga Hekuran Murati me 1,468 të punësuar dhe vetëm dy persona me aftësi të veçanta, si dhe në Ministrinë e Shëndetësisë e drejtuar nga Arben Vitia me 804 të punësuar dhe katër persona me aftësi të kufizuara.
Po ashtu, Ministria e Mbrojtjes e drejtuar nga Ejup Maqedonci ka 2,600 të punësuar dhe 31 persona me aftësi të kufizuara, ndërsa sipas ligjit do të duhej të kishte së paku 52.
Ministria e Punëve të Brendshme e drejtuar nga Xhelal Sveçla ka 1,204 të punësuar dhe 20 persona me aftësi të veçanta, ndërsa Ministria e Bujqësisë, Pylltarisë dhe
Zhvillimit Rural e drejtuar nga Armend Muja ka 782 të punësuar dhe tetë persona me aftësi të veçanta.
Ndërkohë, asnjë person me aftësi të veçanta nuk figuron i punësuar në Ministrinë e Arsimit, Shkencës, Teknologjisë dhe Inovacionit e drejtuar nga Hajrulla Çeku,
Ministrinë e Industrisë, Ndërmarrësisë, Tregtisë dhe Inovacionit e drejtuar nga Mimoza Kusari-Lila, Ministrinë e Ekonomisë e drejtuar nga Artane Rizvanolli, Ministrinë për Komunitete dhe Kthim e drejtuar nga Nenad Rasić, si dhe Ministrinë e Sportit dhe Rinisë e drejtuar nga Blerim Gashani.
Edhe institucionet e tjera të përfshira në analizë, përfshirë Zyrën e Kryeministrit, Ministrinë e Infrastrukturës e drejtuar nga Dimal Basha, Ministrinë e Administrimit të Pushtetit Lokal e drejtuar nga Elbert Krasniqi, Ministrinë e Punëve të Jashtme dhe Diasporës e drejtuar nga Glauk Konjufca, Ministrinë e Kulturës dhe Turizmit e drejtuar nga Saranda Bogujevci, si dhe Ministrinë e Mjedisit, Planifikimit Hapësinor dhe Infrastrukturës e drejtuar nga Fitore Pacolli Dalipi, nuk e përmbushin kuotën ligjore të përcaktuar për punësimin e personave me aftësi të veçanta.
Gazeta Infokus ka pyetur edhe Inspektoratin e Punës se sa po monitorohet zbatimi i Ligjit për Aftësimin, Riaftësimin Profesional dhe Punësimin e Personave me Aftësi të Kufizuara dhe sa është numri i personave që janë punësuar si rezultat i inspektimeve.
Nga Inspektorati kanë bërë të ditur se gjatë realizimit të inspektimeve tek subjektet që kanë 50 ose më shumë të punësuar, është arritur që të punësohen 25 persona me aftësi të kufizuara.
Po ashtu, sipas tyre, subjektet që nuk kanë përmbushur obligimet ligjore kanë kryer pagesat e parapara me ligj në Buxhetin e Kosovës.
“Vlera totale e këtyre pagesave për vitin 2025 arrin në 654,582.40 euro”, kanë bërë të ditur nga Inspektorati.
Megjithatë, Inspektorati nuk ka ofruar detaje të plota lidhur me mbikëqyrjen e zbatimit të ligjit në institucionet publike dhe masat e ndërmarra ndaj institucioneve që nuk e përmbushin kuotën ligjore për punësimin e personave me aftësi të veçanta./Gazeta Infokus


T� tjera
-
Komisionet parlamentare të hënën me takime diplomatike dhe tri projektligje të rëndësishme
Komisionet parlamentare do të kenë një agjendë të ngjeshur të hënën e 23 nënt...
-
Në Llapushnik sot zbulohen bustet e Skënderbeut, Adem Jasharit dhe Pjetër Bogdanit
Me rastin e vendosjes së busteve të tri figurave të rëndësishme të historisë ...
-
Hidhet koktej molotovi në një auto-sallon në Graçanicë, autorët largohen me motoçikletë
Një auto-sallon në Graçanicë ka qenë cak i një sulmi me koktej molotovi gjatë...
-
ASK publikon statistikat – Rritet numri i lindjeve dhe shkurorëzimeve, bie ai i martesave
Agjencia e Statistikave të Kosovës ka publikuar të dhënat preliminare në baza...
-
Rutte nga Varshava: NATO do të mbrojë çdo pëllëmbë të territorit polak
Sekretari i Përgjithshëm i NATO-s, Mark Rutte, ka deklaruar se Aleanca Veri-A...
-
‘‘Ku është Qeveria?’’, Bajrami ndan pamje: Për herë të dytë po digjet deponia në Sferkë të Pejës
Deputetja e Lidhjes Demokratike të Kosovës, Hykmete Bajrami, përmes një posti...
-
FBI në alarm, dyshohet se hakerët kanë depërtuar në bazën e të dhënave kriminale
FBI ka nisur hetimet për një shkelje të dyshuar të sigurisë në bazën e saj të...
-
Ja çfarë efekti të jashtëzakonshëm ka kjo vitaminë në shëndetin tuaj
Omega-3 ka rol të rëndësishëm në shëndetin e organizmit, veçanërisht te perso...
-
Pse Omega-3 është kaq e rëndësishme për shëndetin? Doktori tregon si të përfitoni më së miri prej saj
Përdorimi i vitaminave Omega 3 dhe suplementeve ushqimore mund të jetë i rënd...
-
Kurti: Banimi Social në Pejë drejt përfundimit, punimet po përparojnë edhe në Istog, Podujevë e Gjilan
Kryeministri Albin Kurti, ka shkruar për projektin e banimit social në Pejë, ...
-
Eksperti amerikan: SHBA-ja duhet të rrisë presionin për vendimin e Gjykatës Speciale
Eksperti i politikës së jashtme dhe sigurisë, James Frinzi, ka deklaruar se S...
-
“Atëherë, sot e përjetë”, platforma “Liria ka emër” reagon pas vizitës së Jakup Krasniqit në Kosovë
Platforma qytetare “Liria ka emër” ka reaguar pas përfundimit të vizitës katë...

































