Policia në Rajonin e Prishtinës ka njoftuar se gjatë periudhës kohore prej tre muajve ka shqiptuar 31838 gjoba.

Në njoftimin e policisë thuhet se 30 mijë e 776 gjoba  deri në 500 euro janë shqiptuar për persona fizik, 21 gjoba deri në 1000 euro për persona juridik dhe 1041 gjoba për gjykatë.

Policia ka njoftuar se në 534 raste shoferëve i është ndaluar drejtimi i mjetit motorik.

-Advertisement-

Në krahasimin e numrit të aksidenteve me vitin e kaluar në periudhën e njejtë kohore, sipas policisë këtë vitë ka pasur ulje të numrit të aksidenteve.

Vitin e kaluar në periudhën tre mujore janar- mars kanë ndodhur  1256 ku kanë humbur jetën nëntë persona, ndërsa këtë vitë numri i aksidenteve është 1149, ku kanë humbur jetën gjashtë persona.

Polica poashtu ka njoftuar se  Divizioni i Komunikacionit Rrugor  me qëllim të ofrimit të sigurisë në trafikun rrugor, ngritjes së vëmendjes për një kujdes më të shtuar për të gjithë pjesëmarrësit në trafik, si dhe bazuar në Deklaratën e nënshkruar nga Ministri i Punëve të Brendshme dhe Drejtori i Përgjithshëm i Policisë së Kosovës:  ,,Viti 2018 të jetë vit i sigurisë dhe i standardeve në trafikun rrugor”, ka hartuar fletëpalosjen “Lëvizni të sigurt në trafik” . “Kjo fletëpalosje u është dedikuar fëmijëve të grupit parashkollor dhe ciklit të ulët shkollor ku përmes kësaj broshure do të marrin njohuritë themelore për lëvizje të sigurt në trafik. Numri i fletëpalosjeve të shtypura është 50 000  copa dhe atë në gjuhën shqipe, gjuhën serbe dhe gjuhën angleze” njofton policia.

Policia e Kosovës ka apeluar tek të gjithë pjesëmarrësit në trafikun rrugor, që t’ju përmbahen dispozitave ligjore, të rritet vigjilenca, të shtohet kujdesi në respektimin e rregullave që dalin nga ligjet e trafikut, për të garantuar një siguri më të madhe për të gjithë pjesëmarrësit në rrugë, me qëllim të shmangies së aksidenteve rrugore në tërësi e në veçanti të atyre me pasoja fatale./Kallxo.com

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-