Lajme

Për herë të parë, një kadet i QSU-së studion në Universitetin Norwich në SHBA

Autori: Gazeta inFokus 18:03 | 03 September 2026

Një kadet i Qendrës për Studime Universitare (QSU) të Forcës së Sigurisë së Kosovës ka nisur studimet semestrale në Universitetin Norwich në Shtetet e Bashkuara të Amerikës, me bursë studimi.

Sipas njoftimit të FSK-së, kjo është hera e parë në historinë e QSU-së që një kadet i saj ndjek studime semestrale në këtë universitet amerikan me bursë.

FSK-ja e ka cilësuar këtë si një arritje të rëndësishme për QSU-në, duke theksuar se mundësia për studime jashtë vendit është pjesë e përpjekjeve për avancimin e edukimit ushtarak dhe akademik të kadetëve.

-Advertisement-

Në njoftim thuhet se kjo arritje pasqyron edhe qasjen dhe vizionin e komandantit të FSK-së, gjeneral Jashari, dhe komandantit të QSU-së, major Budeci, për avancimin e shkollimit ushtarak dhe zhvillimin profesional të kadetëve.

Sipas FSK-së, suksesi i kadetit dëshmon se kadetët e QSU-së kanë arritur një nivel akademik, profesional dhe ushtarak që u mundëson të konkurrojnë me bashkëmoshatarët e tyre nga akademi dhe universitete prestigjioze ndërkombëtare.

“Kjo mundësi është më shumë se një përvojë individuale akademike; ajo përfaqëson një investim në gjeneratën e ardhshme të oficerëve të FSK-së”, thuhet në njoftim.

FSK-ja e ka vlerësuar këtë mundësi edhe si dëshmi të potencialit të kadetëve për ta përfaqësuar Kosovën në institucionet akademike dhe ushtarake ndërkombëtare.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy