Për ata që thonë s’jemi çliruar vetë

Autori: Agron Hoti
12:40 | 31 January 2025
Kundërshtarët politikë të UÇK-së dhe Krerëve të saj gjatë dhe pas luftës e deri me sot vazhdojnë ta përhapin idenë e mbrapshtë se Kosova nuk paskësh arritur të çlirohej vetë. Prandaj, sipas tyre është gabim lartësimi i UÇK-së dhe Krerëve të saj si çlirues të Kosovës. Këta njerëz për qëllime politike duan ta heshtin luftën e UÇK-së dhe Krerëve të saj dhe t’ia mveshin të gjitha meritat NATO-s dhe Perëndimit.
Sepse duke ia heshtur kontributin UÇK-së dhe Krerëve të saj, këta njerëz duan t’i godasin politikisht Krerët e UÇK-së. Jo rastësisht Krerët e UÇK-së që 26 vite çlirim vazhdojnë të torturohen nëpër gjykata të UNMIK-ut, EULEX-it, Kosovës, Hagës 1 dhe tash Hagës 2 dhe këtë torturim e kanë kryesisht nga dosjet e shpifura të vëllezërve shqiptarë që si dje ashtu edhe sot vazhdojnë të bashkëpunojnë me Serbi e Rusi.
Jo jaran jo, është e vërtetë që NATO e Perëndimi na kanë ndihmuar, siç historikisht kanë ndihmuar Fuqitë e Mëdha shtete të ndryshme që të çlirohen, por një gjë dihet dhe gjithmonë ka qenë kështu: popujt kurrë nuk çlirohen pa luftë dhe se pa ia krisur vetë, askush s’interesohet për ty. Luftën e fiton organizimi, disiplina dhe gatishmëria e jo sasia. Po ashtu, të gjitha lëvizjet politike në glob i fiton organizimi e disiplina, asnjëherë sasia.
Kështu që, pa vendosmërinë, disiplinën dhe gatishmërinë e UÇK-së dhe Krerëve të saj, nuk do të vinte kurrë NATO në Kosovë, sepse e patëm provuar pa luftë, kur askush s’merrej me ne, kur Serbia na rraste thikën në fyt çdo vit e më shumë derisa na patën dalë rrudhat në ballë duke u qeshur me zor para robërisë serbe dhe ku muzika e Cecës e Draganës sikur midis Beogradit kumbonte edhe midis Prishtinës e shumë qyteteve tjera të Kosovës
E pyetja që duhet shtruar këtyre njerëzve që mohojnë kontributin e UÇK-së dhe Krerëve të saj është kjo: Po cili popull në glob është çliruar vetë? Nëse alamet popujt si Franca, Holanda, Belgjika, Polonia, Vendet Skandinave e Baltike, Hungaria, Spanja, Koreja, Kina, Rusia, Vendet Arabe, etj. s’ia kanë dalë të çlirohen vetë, si paska pasur mundësi të vetëçliroheshim ne, kur ishim populli më i shtypur, më i varfër dhe më i pazhvilluar në Evropë, një popull që deri në vite të 80-ta e ndante dhomën e fjejtjes me bagëti dhe lahej në ahur të lopëve nga fukarallëku kronik dhe mjerimi socioekonomik që po prodhonte ky.
Po harrojnë njerëzia që po të mos kishte qenë ndihma e SHBA-së me aleatë, Evropa dhe Azia (Euroazia) sot do të kishin folur gjermanisht dhe japonisht, sepse Gjermania gjatë Luftës së Dytë Botërore (L2B) e pati pushtuar me lehtësi të padurueshme Evropën dhe qe nisur drejt BRSS-së, kurse Japonia po ashtu me lehtësi të padurueshme e pati pushtuar Azinë Juglindore, Korenë, Kinën dhe po synonte të takohej me Gjermaninë diku në mes të BRSS-së, për ta ndarë kështu Euroazinë.
Ose po të mos ishin bërë bashkë Anglia, Gjermania, Perandoria Osmane, Austria, Spanja, Portugalia, etj, për ta mundur Francën, ndoshta e tërë Evropa do të fliste sot frëngjisht nga pushtimet napoleonike. Ose po të mos e kishin lodhur Perandorinë Osmane Evropa e Rusia, popujt arabë, Irani dhe Ballkani (përfshirë Hungarinë) sot ende do të flisnin osmanisht/turqisht. E sa e sa shembujt të tjerë të shumtë na e dëshmojnë, ku popujt asnjëhrë s’ia kishin dalë të çliroheshin pa ndihmë nga jashtë.
Prandaj, nuk duhet të themi për inati të resë më vdektë djali. Sepse, pikërisht për shkak të vendosmërisë, disiplinës dhe gatishmërisë për luftë çlirimtare të pastër dhe të drejtë, UÇK dhe Krerët e saj e patën marrë mbështetjen e Perëndimit gjatë çlirimit, pas çlirimit, pavarësimit dhe shtetndërtimit të Kosovës duke shkelur kështu nëpër kancelari perëndimore më shumë se çdo shqiptar deri me sot, ndaj sot të gjithë po e gëzojmë Kosovën e lirë dhe të pavarur me institucione nga A në Zh si asnjëherë në histori.
A.H.

Të tjera
-
Osmani për fotoreporterin Alban Bujari: Nëpërmjet objektivit, dokumentoi të vërtetën e Kosovës në vitet më të vështira
Presidentja Vjosa Osmani u ka shprehur ngushëllime familjes dhe komunitetit t...
-
Votat në përfaqësitë diplomatike, Kurti prin me 9577 sosh, i dyti Hamza, pas tij Abdixhiku e Haradinaj
93.02% e votave të përfaqësive diplomatike janë numëruar deri sot në mëngjes....
-
Përvjetori i masạkrës së Qirezit dhe Likoshanit, Osmani: Dëshmi e brutalitetit të ushtruar mbi popullin tonë
Presidentja e vendit, Vjosa Osmani ka kujtuar përvjetorin e masakrës së Likos...
-
Përfshihet nga zjarri një lokal në Prishtinë, nuk raportohet deri tani për të lënduar pos dëmeve materiale
Një lokal është përfshirë nga zjarri në rrugën “Fehmi Agani” në Prishtinë të ...
-
Ri-dhụnimi i “11-vjeçares”: Prokuroria konfirmon se 3 persona janë në paraburgim, 4 të tjerë në seancë dëgjimore
Prokuroria ka konfirmuar raportimin e Klan Kosovës se viktima e dhunimit e vi...
-
Bojkot në vendet e rajonit, por në Kosovë e Shqipëri s’pati reagime nga qytetarët për rritjen e çmimeve
Për shkak të rritjes së çmimeve të ushqimeve qytetarët në Ballkanin Perëndimo...
-
Fillon numërimi i fletëvotimeve me postë, ai i votave nga përfaqësitë diplomatike drejt fundit
Në Qendrën e Numërimit dhe Rezultateve tashmë ka filluar numërimi i votave të...
-
Katër të mitur pëṛleshen mes vete në Drenas, tre ndodhën në mbajtje, njëri në QKUK
Katër djem të mitur kanë pësuar lëndime pas një përleshje midis tyre ku dysho...
-
Dhụnohet për të katërtën herë nga dhjetëra persona vajza e mitur në Prishtinë, reagon RrGK
Rrjeti i Grave të Kosovës në një reagim publik ka bërë të ditur se është dhun...
-
Numërohen mbi 93% të votave të diapsorës, opozita me përqindje tejet të vogël
Tashmë janë procesuar 93.02% e votave të diasporës nga votimet në Konsullata ...
-
Zelensky mbërrin në Uashington, do të nënshkruajë marrëveshjen e madhe
Presidenti i Ukrainës, Volodymyr Zelensky, ka mbërritur në Uashington, ku pri...
-
Nga një muaj paraburgim për të dyshuarit që kontrabandonin mallra e sulmụan policët
Prokuroria Themelore në Ferizaj ka caktuar nga një muaj paraburgim ndaj të dy...