Sport

Peja – Golden Eagle Ylli, Trepça – Sigal Prishtina, nis spektakli i “Play-offit” në basketboll

Autori: Gazeta inFokus 10:27 | 20 April 2024

Këtë vikend do të fillojnë ndeshjet gjysmëfinale të “Play-offit” të Superligës së Kosovës, ku pritet spektakël në basketbollin vendor.

Në gjysmëfinale do të përballen katër skuadrat që u renditën më lartë, ku katër skuadra do të luftojnë për trofeun e çmuar.

Peja dhe Golden Eagle Ylli kishin pikë të barabarta pas 28 xhirosh, por pejanët ishin më të mirë në ndeshjet direkte. Dy skuadrat verdhezi kishin nga 19 fitore e nëntë humbje, ndërsa të shtunën do të përballen të dyja me fillim nga ora 17:15.

-Advertisement-

Gjysmëfinalja tjetër pritet të jetë edhe më e zjarrtë mes Trepçës dhe Sigal Prishtinës. Mitrovicasit e përfunduan edicionin në vendin e parë me 25 fitore e tri humbje, ndërsa bardhekaltrit u renditën në vendin e katërt me 16 fitore e 12 humbje, kurse në çerekfinale eliminuan Vëllaznimin 2:1.

“Xehetarët” kanë fituar Kupën, Superkupën dhe Ligën Unike, duke e kërkuar trofeun e katërt për këtë edicion, kurse prishtinasit së fundi fituan në Ligën Ballkanike, duke kërkuar titullin të rikthehet në kryeqytet.

Gjysmëfinalet 1

E shtunë

17:15 – Peja – Golden Eagle Ylli

E diel

19:00 – Trepça – Sigal Prishtina

Subscribe në YouTube: GAZETA INFOKUSI