Lajme

PDK themelon nëndegën në Paris, një biznesmen vendoset në krye të saj

Autori: Gazeta inFokus 13:31 | 27 September 2022

Kryetari i Komisionit për organizimin e Partisë Demokratike në Mërgatë, njëherësh deputet i kësaj partie, Elmi Reçica ka njoftuar se është mbajtur Kuvendi zgjedhor i nëndegës së Partisë Demokratike të Kosovës për Paris.

“Partia Demokratike e Kosovës po vazhdon me shtrirjen dhe organizimin e strukturave partiake. Pas formimit të Këshillit për Organizimin e Kuvendit të Degës së PDK-së në Francë, tashmë kemi edhe nëndegën e parë në kryeqytetin e Francës”, ka deklaruar Reçica.

Pas një procesi të brendshëm zgjedhor, ai ka njoftuar se u zgjodh kryetari i nëndegës, biznesmeni, Lulzim Berisha, si dhe anëtarët e kryesisë, Idriz Çitaku, Afrim Krasniqi, Shpetim Bardhi, Blerim Berisha, Arben Canolli, Isuf Brahimi, Xhavit Krasniqi, Avni Fazliu, Ilaz Azemi dhe Ukshin Skenderi.

-Advertisement-

Po ashtu u zgjodhën edhe delegatët për Kuvendin Zgjedhor të Degës së PDK-së në Francë.

“Uroj dhe përgëzoj themelimin e nëndegës, zgjedhjen e Lulzim Berishës kryetar, si dhe anëtarët e tjerë”, ka përfunduar Reçica në njoftimin e tij.

Subscribe në YouTube: GAZETA INFOKUSI
Etiketa:
E PREMTJA E BARDHË ME ZBRITJE DERI 50%
-Advertisement-

Të tjera

Fokusi

lajme