Gazeta Infokus raportoi të hënën se deputeti francez i Parlamentit Evropian Nicolas Bay, ka filluar një fushatë propaganduese ndaj Kosovës në rrjetet sociale, kryesisht në faqen e tij zyrtare në Twitter ku numëron mbi 100 mijë ndjekës, duke e quajtur Kosovën “djep” të Serbisë, e Ushtrinë Çlirimtare të Kosovës, ushtri terroriste.

Pas raportimit të Infokus, në rrjetet sociale ka filluar një fushatë ku po bëhet thirrje për raportim të llogarive të deputetit Bay, e të gjitha postimeve të tij ku ai propagandon kundër Kosovës.

Në rrjetet sociale po shpërndahet profili i tij dhe po kërkohet që postimet e tij kundër Kosovës të raportohen për nxitje të urrejtjes në baza racore e fetare.

-Advertisement-

LEXO EDHE: SKANDALOZE: E quan UÇK-në terroriste e Kosovën “djep të Serbisë”, ky është deputeti francez në parlamentin evropian që ka nisur propagandë të fuqishme kundër Kosovës

Tashmë pjesë e kësaj fushate janë bërë shumë qytetarë e reagime pati edhe nga disa deputetë.

Deputeti i partisë në pushtet ka bërë thirrje që, Nicolas Bay të shpallet person nongrata nga qeveria e  Kosovës.

Gramos Agusholli duke e quajtur fashist deputetin francez ka thënë se deklarata të tilla bënin vetëm popat e kishave serbe të cilët i bekonin ushtarët serbë kur niseshin për masakra mi shqiptarët.

“Hiç më pak se non grata për ket’ fashist! Kur e lexova këtë deklaratë mendova se e kanë bërë Popat e kishes serbe, të cilët i bekonin ushtarët serbë kur niseshin për të bërë masakra mbi shqiptarët e Kosovës dhe boshnjakët në Srebrenicë”, ka thënë ai në reagimin e tij.

Gazeta Infokus raportoi se si për dy ditë sa qëndroi në Kosovë e një ditë në Beograd, euro deputeti bëri plot 22 postime në twitter kundër Kosovës duke i quajtur okupator të tokave serbe.

Ai madje e quajti qeverinë e Kosovës një rrjedhje të mafias dhe shtetit të islamizuar që përdor fëmijët për të valëvitur flamujt shqiptarë në rrugët e Prizrenit.

Ne publikimin e tij të fundit për Kosovën në Twitter ai me një video nga Prizreni e qytete të tjera që vizitoi në Kosovë pa turp bën thirrje që ti ndihmohet serbëve për tu kthyer “tokën e tyre”.

“Përballë heshtjes për situatën në Kosovë dhe marrjes së këtij territori nga terroristët e UÇK-së, desha të shkoj atje për të paralajmëruar për fatin e të krishterëve serbë. Mund të mos mjaftojë vendosmëria e jashtëzakonshme e popullit serb: t’i ndihmojmë!”, shkruan ai në postimin e tij të fundit skandaloz nga Kosova.

E çuditërisht pavarësisht gjithë këtyre postimeve e kësaj fushatë kundër Kosovës nuk pati as edhe një reagim nga institucionet në vend. Gazeta Infokus ka kontaktuar me Zyrën e Kryeministrit të Kosovës, Ministrinë e Punëve të Brendshme, e edhe ministrinë ë Punëve të Jashtme mirëpo asnjë nga këto dikastere nuk janë treguar të gatshëm të flasin për këtë rast. Euro deputeti po vazhdon lirshëm të shkruajë e të bëjë propagandë të frikshme kundër Kosovës pa u marrë as edhe një masë ndaj tij.

I vetmi reagim që erdhi nga institucionet ishte ai i këshilltarit francez në qeverinë e Kosovës, Sebastien Gricourt.

Gricourt duke rishpërndarë postimin e deputetit Bay nga Prizreni akuzon atë për devijim të të vërtetës dhe historisë, duke bërë thirrje që të shpallet person nongrata në Kosovë.

“Unë po shkruaj nga #Prizreni, qyteti paqësor dhe multikulturor. I vetmi devijim i vërtetë është ajo që ju i bëni të vërtetës dhe realiteteve të së shkuarës dhe të së tashmes. V-të nuk përfaqësojnë #Francën por ju jeni mishërimi i gënjeshtrës dhe urrejtjes #PersonaNonGrata në #Kosovë”, shkruan këshilltari francez në qeverinë e Kosovës.

E për këtë mosreagim nga institucionet në vend mos ndërmarrjen e asnjë mase ndaj deputetit që goditi rënë Kosovën dhe historinë e saj, pati nga shumë qytetarë.

Në vazhdim Gazeta Infokus ju sjell disa nga ato. /Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-