Lajme

Parlamentari serb: Vuçiq shpalli kapitullimin në Kosovë

Autori: Gazeta inFokus 21:45 | 13 September 2024

Deputeti opozitar në Parlamentin e Serbisë, Zdravko Ponosh, ka reaguar pas konferencës që mbajti presidenti serb Aleksander Vuçiq nga ku prezantoi disa “masa” për Kosovën.

Ponosh ka thënë se me paraqitjen e tij ai e shpalli kapitullimin në Kosovë, e jo “okupimin e Kosovës”.

Sipas tij të gjitha institucionet në veri, në të cilat Vuçiq dëshiron t’i kthejë serbët, ai vetë ia ka dorëzuar Prishtinës.

-Advertisement-

“Ajo që Vuçiq ka shpallur sonte është një tregim krejtësisht i pakuptimtë. Ajo ka ardhur nga kampi i Vuçiqit, kështu që nuk e di se me kë ai po debaton”, tha Zdravko Ponosh për “Danas“, duke komentuar vendimin e Vuçiqit për të mos shpallur pushtimin e një pjese të “territorit të Serbisë” dhe duke shtuar se presidenti i Serbisë me këtë paraqitje shpalli kapitullim, e jo ​​pushtimin.

Deputeti serb tha gjithçka që Vuçiq e tha sonte e kishte thënë edhe më parë.

“Thjesht nuk e di pse ka pritur 72 orë për të thënë se nuk ka zgjidhje të mirë për serbët në Kosovë. Ne e dinim këtë edhe pa skaduar ato 72 orë”, thotë Ponosh.

Duke folur për kërkesat për kthimin e institucioneve serbe në Kosovë, deputeti serb pohon se ato paraprakisht i ka dorëzuar vetë Vuçiq.

“Gjithçka që thotë se dëshiron ta kthejë në Kosovë, gjyqësorin, policinë, mbajtjen e zgjedhjeve në veri dhe Asociacionin e komunave serbe, të gjitha ato i dha ai. E gjitha ishte shpikja e tij, gjithçka që premtoi, të gjitha i shkatërroi ai”, thekson Ponosh dhe shton se gjithashtu është farsë formimi i një zone të veçantë të mbrojtjes sociale në Kosovë.

Siç thekson ai, Vuçiq vetëm “ri-pranoi, gjegjësisht hodhi një vijë në atë që nënshkroi në marrëveshjet e Brukselit dhe Ohrit”.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme