Një javë luftë/ Rusia hyri si superfuqi, përfundoi si Koreja e Veriut
Autori: Gazeta inFokus 06:54 | 04 March 2022
7 ditë nga urdhri i Vladimir Putinit për të sulmuar Ukrainën, bilanci si në terren, ashtu dhe në rrafsh moral, është shumë larg asaj që kishte shpresuar presidenti rus.
“Vini, vidi, vici” (Erdha, Pashë, Fitova), e shefit të Kremlinit, një javë nga fillimi i mësymjes, është kthyer në ankth për atë vetë. Në letër, ushtria e fuqishme ruse, shumë më superiore në çdo drejtim nga ajo ukrainase, me armët e avancuara, kapacitetet superiore në hapësirën kibernetike dhe zhvendosjen e sofistikuar të forcave ushtarake, duhet ta kishte marrë Kievin me kohë.
Realiteti ama është pak më ndryshe. Trupat e Moskës janë ngujuar në periferi të kryeqytetit ukrainas, në një autokolonë 60 km, por pa hedhur asnjë hap më shumë. Me përjashtim të qytetit Kherson, rusët nuk kanë kontrollin e asnjë qendre tjetër të rëndësishme të banuar në Ukrainë. Viktima ndërkohë ka pasur nga të dyja palët, pasojë e pashmangshme kjo e një konflikti të armatosur.
Sipas OKB-së, 227 civilë janë vrarë dhe 525 të tjerë janë plagosur në Ukrainë që nga fillimi i pushtimit në 24 shkurt. Shërbimi vendas i emergjencës flet për mbi 2000 të vdekur në radhët e civilëve, pretendime këto që nuk janë verifikuar dot në mënyrë të paanshme. 1 milionë janë të shpërngulurit. Megjithatë, sipas ekspertëve ushtarakë të NATO-s, mësymja ruse duket se në afat më të gjatë mund të rezultojë e suksesshme me strategjinë e saj të shtrëngimit të fytit në mënyrë të avashtë. Strategjitë, të cilës nuk do t’i rezistonte dot ushtria ukrainase. Por nëse lufta në Ukrainë zgjat, pushtimi nuk do ishtë gjë e mirë ushtarakisht për rusët, pasi ukrainasit po tregojnë se kanë edhe rezistencë qytetare.
Kjo sipas ekspertëve do të krijonte një situatë të ngjashme me pushtimin sovjetik të Afganistanit në 1979, pushtim i cili zgjati 20 vjet dhe jo vetëm përfundoi me tërheqjen ushtarake të Moskës, por edhe më rrënimin e perandorisë së kuqe sovjetike.
Por humbja reale e Rusisë është ajo e fytyrës së saj në skenën botërorë. Çdo bombë që bie mbi Ukrainë, i shton asaj mbështetjen e thuajse të gjithë botës. Parlamenti Europian i kërkoi institucioneve të BE-së t’i japin sa më shpejt statusin e vendit kandidat, ndërsa në Asamblenë e Përgjithshme të Kombeve të Bashkuara, asnjëherë më shumë kombe nuk e kishin mbështetur njëzëri një rezolutë si ajo që dënoi sulmin rus.
Moska po e gjen veten më të izoluar nga sa mund ta kishte imagjinuar ndonjëherë, në krah në atë sallë pati vetëm Bjellorusinë, Eritrean, Korenë e Veriut dhe Sirinë. Edhe aleatja e saj e madhe, Serbia votoi kundër Rusisë. Hungaria po ashtu e harroi miqësinë me Moskën kur zgjodhi të përkrahte sanksionet e BE-së, ndërkohë që Turqia nuk humbi rastin t’i mbyllte daljen ushtarake të anijeve ruse në Mesdhe.
Një javë nga nisja e pushtimit është shumë shpejt për deklarata përfundimtare, megjithatë është e qartë tashmë se Ukraina me rezistencën e rrallë të ushtrisë dhe popullit te vet befasoi botën dhe vetë Moskën, ndërsa moralisht këtë luftë e fitoi që në momentin kur drejt saj u lëshua raketa e parë ruse.
Putin sot ka përkrah vetëm Lukashenkon, Kim Jong Un dhe Bashr al Asadin e Sirisë.
Të tjera
-
Kusari -Lila thotë se Kosova “ndoshta” do të bëhet anëtarë e KiE para fundit të vitit
Shefja e grupit parlamentar të Vetëvendosjes, Mimoza Kusari- Lila, ka thënë ë...
-
Abdixhiku thotë se Kurti e ka sjellë Serbinë si temë kryesore: Nëse ka merak, ia hapë një ministri për veriun dhe e bëj ministër
Kryetari i Lidhjes Demokratike të Kosovës, Lumir Abdixhiku, në “Pressing” të ...
-
Allen: Rusia kërkon kaos dhe ndarje të Ballkanit Perëndimor
Nënsekretarja amerikane e Shtetit për Diplomaci dhe Çështje Publike, Elizabet...
-
Matoshi: Kurti s’vlen më si kryeministër për aleatët
Kohëve të janë shtuar zërat për shkuarje në zgjedhje të parakohshme. Për o...
-
Nënsekretarja amerikane e Shtetit: Jemi thellësisht të përkushtuar për sigurinë e veriut të Kosovës
Nënsekretarja amerikane e Shtetit për Diplomaci dhe Çështje Publike, Elizabet...
-
Osmani: Çdo sukses i Kosovës mban edhe vulën e SHBA-së
Presidentja e Kosovës, Vjosa Osmani, ka takuar sot Zëvendës Ndihmës Sekretare...
-
Bastisja në Veri, Policia sekuestron 1.6 milionë euro dhe mbi 637 mijë dinarë
Policia e Kosovës ka jap detaje shtesë lidhur me aksionin e zhvilluar gjatë d...
-
Abdixhiku për darkën Kurti-Krasniqi: U rrahën me grushte e tash u bënë bashkë
Kryetari i Lidhjes Demokratike të Kosovës, Lumir Abdixhiku tha është shumë e ...
-
Kjo zonë parashikohet të ketë stuhi të fuqishme dhe përmbytje pasditen e së martës
Pas shiut të rrëmbyeshëm që përfshiu orët e para të mëngjesit Prishtinën dhe ...
-
Kërkohet ndihmë për shërimin e 18-vjeçarit, Argjend Jonuzaj nga Prizreni
Argjend Jonuzaj nga Komuna e Prizrenit ka nevojë për ndihmën tuaj. 18-...
-
VV e do të “unifikuar” opozitën për të shkuar në zgjedhje, PDK, LDK dhe AAK kanë dallime
Partia Demokratike e Kosovës u kërkoi të hënën partive politike parlamentare ...
-
Ceremonitë mortore për presidentin iranian do të nisin të martën e ardhshme
Ceremonitë mortore për presidentin iranian, Ebrahim Raisi, dhe shokët e tij d...