“Ngritja e çmimeve po bëhet me hapa të paparashikueshëm”
Autori: Gazeta inFokus 18:06 | 10 April 2022
Gjendja ekonomike në Kosovë është rënduar pas rritjes së pakontrolluar të çmimeve. Ekspertët e ekonomisë dhe biznesit shprehin shqetësimet e tyre në lidhje me këto rritje, ndërsa theksojnë se në këtë fazë është e domosdoshme që qeveria të reflektojë sa më shpejt në mënyrë që të minimizohen pasojat negative të krizës ekonomike që kanë përfshirë edhe Kosovën.
Rritje e vazhdueshme e çmimeve të artikujve bazik në Kosovë, po e rëndon gjithnjë e më shumë gjendjen ekonomike të shumë familjeve. Disa qytetarë të anketuar në kryeqytet thonë se rritja e çmimeve në tregun e Kosovës, e ka përkeqësuar edhe më shumë gjendjen e tyre sociale.
“Përnjëherë janë ngritur çmimet 100 për qind. Unë i përkas rrethit të pensionerëve dhe për mua është shumë vështirë, duke filluar nga gjërat elementare. Një bukë që ka kushtuar 30 centë tash është 50 centë, një litër vaj që ka kushtuar 1.70 centë tash është 2. 90 centë”, ka thënë qytetari.
Shkaktar i rritjes së pakontrolluar të çmimeve është lufta në Ukrainë. Por kryetari i Aleancës Kosovare të Bizneseve, Agim Shahini, thotë se ngritja e çmimeve po bëhet me hapa të paparashikueshëm, edhe si pasojë e mungesës së prodhimit.
“Tash është vala e dytë e disa çmimeve që po ngritën. Mendoj se kemi ardhur në fazën kur shumë produkte e edhe lënda e parë e cila është furnizuar nga disa vende e sidomos nga Ukraina që merr pjesë me furnizim të drithërave dhe vajrave në Evropë më shumë se 13 për qind, ka filluar të ndihet mungesa e disa artikujve përpunues”, ka thënë Shahini.
Ndërkohë, eksperti i ekonomisë, Safet Gërxhaliu, thotë për Radio Kosovën se duhet një bashkëpunim publiko-privat, përfshirë këtu edhe qytetarët, në mënyrë që të dilet me propozime konkrete se si të ndikohet mbi uljen e pasojave negative të krizës së çmimeve që ka përfshirë edhe Kosovën.
“Shumë vende të rajonit kanë bërë hapa konkretë për të ndikuar që çmimet të mos e godasin drejtpërdrejt qytetarin, kanë bërë lëvizje të TVSH-së, eliminimin e akcizës, e në Kosovë si duket pritet një momentum. Dhe çdo ditë e vonuar, vetëm po e forcon inflacionin në Kosovë, sepse atë që e ke ble dje me 50 euro, nuk mund ta blesh sot”, ka thënë Safeti.
Ndryshe, buka, vaji, mielli, derivatet e naftës, biletat e autobusëve dhe taksitë, janë vetëm disa nga produkte dhe shërbimet që janë shtrenjtuar në tregun e Kosovës.
Të tjera
-
Bislimi udhëton drejt Hungarisë
Zëvendëskryeministri i parë për Integrim Evropian, Zhvillim dhe Dialog i Repu...
-
IPK-ja po e heton konkursin e gradimit për rreshter në Policinë e Kosovës
Kryeshefi Ekzekutiv i Inspektoratit Policor të Kosovës, Kushtrim Hodaj, ka th...
-
Pas refuzimit të Abdixhikut e Haradinajt, as shefat e grupeve parlamentare nuk i shkojnë në darkë Kurtit
Kryeministri i Kosovës, Albin Kurti për sot pasdite ka ftuar në darkë pune kr...
-
Tre nxënës të shkollës fillore në Gjakovë lëndohen në kokë e fytyrë pas një përleshje me mjete të forta
Tre nxënës të moshës 13 vjeçare janë lënduar në kokë e fytyrë me mjete të for...
-
Turqia e bën me detyrim: Personeli shtetëror dhe transporti publik do të përdorë vetëm automjetin vendas “TOGG”
Me paketën e kursimeve publike të shpallur nga ministri i Thesarit dhe Financ...
-
Hodaj: Pranuam 1 mijë 697 ankesa në 2023-tën, rekomanduam suspendimin e 71 punonjësve policor
Kryeshefi Ekzekutiv i Inspektoratit Policor të Kosovës, Kushtrim Hodaj është ...
-
Kurti: Rregullorja e BQK-së ka qëllim ligjshmërinë, jo ndëshkimin e dënimin
Nga dje euroja është valuta e vetme për transaksione në Kosovë. Periudha tran...
-
FSK-ja përfundon ushtrimin ‘’Ujku Alfa’’
Regjimenti i Tretë i Komandës së Forcave Tokësore të Forcës së Sigurisë së Ko...
-
Kurti viziton Kamenicën, pritet nga kryetari i Komunës
Kryeministri i Kosovës Albin Kurti sot në Kamenicë është pritur nga kryetari ...
-
Aksident tragjik në Itali, vd es 44-vjeçari shqiptar
Një 44-vjeçar shqiptar i identifikuar si Lorenc Koleci ka humbur jetën në Ita...
-
Vuçiq i ankohet Scholzit për Kosovën
Kancelari i Gjermanisë, Olaf Scholz, ka zhvillur një bisedë telefonike me pre...
-
1 milion e 420 mijë e 148 qytetarë janë regjistruar deri tani, procesi pritet të përmbyllet më 17 maj
Agjencia e Statistikave të Kosovës (ASK) mbajti konferencën e radhës për medi...