Lajme

Në kulmin e sezonit turistik, Struga pothuajse pa ujë të pijshëm

Autori: Gazeta inFokus 09:38 | 10 July 2017

Sezoni turistik në Strugë ka filluar dhe përsëri po përballet me problemet e vjetra.

Pronarët e hoteleve ankohen se uji nga ujësjellësi i qytetit në pjesën më të madhe të ditës vjen me presion të dobët dhe shumë turistë dhe pushues ankohen për këtë gjë.

Në disa prej kapaciteteve më të mëdha hoteleve në qytet janë vendosur hidroforë.

-Advertisement-

“Kjo është dukuri negative për turizmin dhe fitimin tonë. Nuk mund të arsyetohemi tek turistët e huaj. Për ta kjo është e çuditshme. Në mëngjes nuk kemi ujë, ndërsa ne arsyetohemi se problemi nuk është te ne” tha Naume Ugrenoviq, pronar hoteli për Alsat-M.

Nga Ndërmarrja Publike Proakva në Strugë apelojnë deri tek qytetarët që ujin e ujësjellësit ta shfrytëzojnë në mënyrë të arsyeshme.

Ata thonë se në korrik dhe gusht për shkak të temperaturave të larta dhe turistëve, ekziston mundësia e mungesës së ujit për pije.

Shkak për këtë është edhe pakësimi i ujit te burimet në Belicë të Epërme por edhe ulja e nivelit të ujit të Liqenit në fshatin Shum prej ku furnizohet qyteti me ujë, si dhe për shkak të keqpërdorimeve të shumta të ujit nga ana e qytetarëve.

Subscribe në YouTube: GAZETA INFOKUSI