Lajme

Nderohet Agron Haradinaj, “Vocërraku i burgut”

Autori: Gazeta inFokus 21:11 | 03 March 2023

Para 40 vjetësh emri i Agron Haradinaj do të fiksohej në mendjen e gjithë shqiptarëve me një nofkë fort interesante, “vocërraku i burgut”.

Vetëm 16 vjet i kishte kur u arrestua nga regjimi serb në vitet e 80-ta për shkak të aktivitetit të tij politik. Për t’u bërë më vonë edhe pjesë UÇK-së ku më 1998 në Prilep pësoi nga një sulm shpërthyes ajror i forcave serbe, dhe qysh atëherë u përballë me telashe shëndetësore.

Ish-ushtari i UÇK-së vdiq në moshën 56-vjeçare për shkak të gjendjes së përkeqësuar tre muajve të fundit që mori trajtim intensiv në një spital të Gjermanisë.

-Advertisement-

Familja Haradinaj përveç dhimbjes që kanë për humbjen Agronit si familjar dhe veprimtar, kanë edhe një brengë tjetër. Nasim Haradinajt nuk iu lejua që ta vizitojë vëllain e tij sa ishte në spital edhe përkundër gjendjes që kishte.

Teksa bëjnë të ditur se tashmë kanë bërë kërkesën në Gjykatën e Hagës në mënyrë që Nasim Haradinaj të jetë së paku prezent në ceremoninë e varrimit për vëllain e tij, Agronit.

Dyert e kullës pranë kompleksit memorial në Gllogjan janë hapur për ngushëllime që nga kjo e premte.

Subscribe në YouTube: GAZETA INFOKUSI