Shkëlqim Devolli vazhdon takimet në Kongres: Bashkëpunimi ekonomik rrit miqësinë Kosovë – SHBA
Autori: Gazeta inFokus 14:27 | 17 May 2024
Kongresisti demokrat nga California, Jimmy Panetta, si dhe kongresistët republikanë, Warren Davidson nga Ohio, gjegjësisht Chris Smith nga New Jersey, kanë qenë pjesë e takimeve të radhës që sipërmarrësi Shkëlqim
Devolli po i zhvillon në Washington DC, në Shtetet e Bashkuara të Amerikës.
Pronari i Devolli Corporation po qëndron në kryeqytetin amerikan në kuadër të një vizite të karakterit ekonomik.
Afaristi kosovar, në takime të ndara në Kongres dhe në Senat, i ka njoftuar përfaqësuesit amerikanë për bizneset e Devolli Corporation në Kosovë, rajon dhe Evropë, si dhe afarizmin në Shtetet e Bashkuara të Amerikës.
Gjatë takimit me kongresistin Panetta – i cili është edhe i biri i ish-drejtorit të CIA-s dhe ish-sekretarit të Mbrojtjes, Leon Panetta, i njohur për eliminimin e terroristit Bin Laden – është diskutuar edhe për gjendjen e sigurisë në Ballkan dhe në botë.
Kurse me republikanët Davidson dhe Smith është folur për marrëdhëniet e veçanta që Kosova dhe shqiptarët kanë me SHBA-në, duke nënvizuar se forcimi tutje i marrëdhënieve tregtare do të jetë edhe një garanci për miqësi të përhershme.
Shkëlqim Devolli, një ditë më herët, ka takuar edhe dy politikanë dhe afaristë të suksesshëm, kongresistin demokrat, Kevin Hern, dhe senatorin republikan, Pete Ricketts.
Duke qenë se të dy këta politikanë kanë hyrë në politikë pas sukseseve që kanë pasur si biznesmenë, temë e takimeve ka qenë edhe rritja e bashkëpunimit të deritashëm ndërmjet tregut amerikan dhe atij kosovar, si dhe mundësitë për bashkëpunime të reja tregtare.
Kongresisti Hern ka në pronësi të veten rreth 25 restaurante McDonald’s, si dhe për shumë vjet ka shërbyer në pozita të larta udhëheqëse në këtë kompani, që është një ndër brendet më të njohura në botë.
Ai ka qenë i përfshirë edhe në sektorin bankar, të teknologjisë, atë të patundshmërive dhe botimeve sportive.
Kurse, senatori Ricketts, i cili po ashtu ka ekspertizë të gjatë sipërmarrëse, ka ushtruar edhe detyrën e Guvernatorit të shtetit të Nebraskas.
Afaristi Devolli ka shprehur interesimin e tij që korporata të cilën e udhëheq të mund të bashkëpunojë me sektorët ekonomikë në të cilët këta politikanë të lartë kanë qasje.
Njësitë e Devolli Corporation tash e sa vjet kanë aktivitete të suksesshme në tregun amerikan, me eksportin më të madh kosovar dyshekët e brendit Comodita, fabrikat e dyshekëve në Texas, si dhe me kafen Prince dhe kafeterinë Prince Coffee House.
Të tjera
-
Presidentja Osmani nga Zvicra: Kosova është e fortë kur ecën përpara bashkë me aleatë
Presidentja Vjosa Osmani është paraqitur live nga Zvicra ku ka folur për Sami...
-
Egzon Ibrahimi lanson ilahinë “Në kujtim të veprës së Ibrahim Devollit”
Ilahisti kosovar me famë të madhe ndërkombëtare, Egzon Ibrahimi, ka lansuar s...
-
Osmani në Zvicër takon presidentin malazez, bisedojnë për rëndësinë e mbrojtjes së paqes
Presidentja e Kosovës, Vjosa Osmani gjendet në Zvicër në kuadër të Samitit të...
-
Tërnava uron myslimanët për festën e Kurban Bajramit
Myftiu i Kosovës, Naim Tërnava, me rastin e festës së Kurban Bajramit ka dhën...
-
Rama has në Xhavit Halitin derisa promovon një biznes, me shaka e quan “kriminel lufte që s’është kapur akoma”
Kryeministri i Shqipërisë, Edi Rama, njihet për humorin dhe sjelljet e tij në...
-
Sot i jepet lamtumira e fundit nënoficerit të FSK-së, Muhamet Beqirit
Sot do të varroset në fshatin Talinoc i Muhaxherëve të Ferizajt, nënoficeri i...
-
“Ne jemi një”, Duka: Grupi forca jonë, Shqipëria gati për Europianin
Presidenti i FSHF-së, Armand Duka, ka dhënë një intervistë për “La Gazzetta d...
-
Plani i paqes i Putinit ‘jo serioz’, thotë Scholz përpara samitit të Ukrainës në Zvicër
Udhëheqësit e G7-ës nuk diskutuan propozimet e Vladimir Putin për paqen në Uk...
-
“Agim, ti më mungon në këto momente”, në ditën e çlirimit të Gjilanit Shukrie Ramadani kujton bashkëshortin e saj
Janë bërë 25 vite kur vendi ynë i dha fund ëndrrës për liri. E gjatë luftës n...
-
Kurti pret në takim Sekretaren e Përgjithshme të VEF, bisedohet për avancimin e Kosovës në këtë organizatë
Bashkëpunimi sa vjen e bëhet më i ngushtë ndërmjet Kosovës dhe Forumit Ekonom...
-
“Në një pusetë kanalizimi e një shtëpi të pabanuar” – Këto ishin lokacionet ku u gjet armatimi në veri
Policia e Kosovës ka dhënë detaje lidhur me armatimin që u gjet dje në veri, ...
-
Afro 2 mijë gjoba trafiku për 24 orë në Kosovë
Policia e Kosovës për 24 orët e fundit ka shqiptuar 1 mijë e 915 gjoba trafik...