Lajme

Nancy Pelosi: Jemi të traumatizuar nga sulmi me çekiç ndaj bashkëshortit

Autori: Gazeta inFokus 09:42 | 30 October 2022

Nancy Pelosi ka thënë se është zemërthyer dhe e traumatizuar nga sulmi i dhunshëm ndaj bashkëshortit të saj.

Kryetarja e Dhomës së Përfaqësuesve të SHBA-së tha se familja e saj ishte mirënjohëse për reagimin e shpejtë nga organet e rendit dhe për kujdesin e tij mjekësor.

Paul Pelosi u godit me një çekiç nga një sulmues në shtëpinë e çiftit në San Francisko, të premten.

-Advertisement-

Gjendja e 82-vjeçarit vazhdon të përmirësohet pas sulmit, tha Pelosi.

“Ai pësoi një frakturë të kafkës dhe lëndime në krahun e djathtë dhe duart, dhe mbetet në spital duke marrë kujdes shpëtues”, tha ajo.

I dyshuari, David Depape, 42 vjeç, thuhet se ka kërkuar të takohet me zonjën Pelosi – duke nxitur frikën për dhunën politike në prag të zgjedhjeve afatmesme të 8 nëntorit.

Në deklaratën e saj, ajo tha se lutjet dhe urimet e ngrohta ishin një ngushëllim dhe po ndihmonin në shërimin e Pelosit, raporton Euronews, transmeton Klankosova.tv.

Pelosi, gjithashtu 82 vjeçe, është një nga politikanet më të fuqishme në vend. Ajo u rizgjodh për një mandat të katërt si Kryetare e Dhomës së Përfaqësuesve në vitin 2021, duke u bërë e dyta në radhë për presidencën, pas Zëvendëspresidentes Kamala Harris.

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme