Lajme

Krimi në Prizren: Babai dyshohet se sul*moi me thi*kë vajzat në gjumë, i tha gruas “duhet të vdesim të gjithë”

Autori: Gazeta inFokus 10:40 | 08 May 2025

Prizreni dhe i gjithë vendi u trondit mëngjesin e së martës, me vrasjen e rëndë të 15-vjeçares, shtetase turke. Krimin po dyshohet se e kreu babai i saj, Mehmet Gorenç. Ai tashmë është dërguar në paraburgim, pasi Gjykata Themelore në Prizren aporovoi kërkesën e Prokurorisë.

Kërkesa e Prokurorit të Shtetit, siç merr vesh Klankosova.tv. ka zbuluar detaje tronditëse.

Gjithçka dyshohet se ndodhi pas orës 05:00 të mëngjesit, kur i dyshuari nisi t’i sulmojë të bijat derisa ishin në gjumë, duke iu vërsulur fillimisht 15-vjeçares, e cila nuk arriti të mbijetojë dhe vdiq në vendin e ngjarjes.

-Advertisement-

Krimi i rëndë u krye me një thikë mbi 20 centimetra, me të cilën i dyshuari e goditi edhe vajzën tjetër rreth 10-vjeçare, që mbeti e plagosur rëndë, si dhe bashkëshorten e tij, e cila pësoi lëndime më të lehta trupore.

Bazuar në kërkesën për paraburgim, thuhet se i dyshuari, ndër të tjera, i është drejtuar gruas së tij se “duhet të vdesim të gjithë”.

Prokurori i Shtetit ka vlerësuar ndër të tjera se kjo masë është e arsyeshme për t’u caktuar, për shkak të veprave të rënda penale që janë kryer brenda familjes, e po ashtu edhe për shkak të rrezikut që i dyshuari mund të arratiset meqë nuk ka vendbanim të përhershëm në Kosovë.

Gorenç do tëhetohet, nën dyshimin se ka kryer veprat “Vrasje e rëndë”, “Vrasje e rëndë e mbetur në tentativë” dhe “Armëmbajtje pa leje”.

Masa e sigurisë është caktuar në seancën dëgjimore të mbajtur dje dhe do të zgjashë 30 ditë.

Kodi Penal i Republikës së Kosovës parasheh dënim me jo më pak se 10 vjet burgim ose burgim të përjetshëm për këdo që privon nga jeta një fëmijë; anëtar të familjes; në mënyrë mizore apo dinake; ose duke rrezikuar jetën e një ose më shumë personave të tjerë./Klankosova.tv.

Vërejtje: Personi i përmendur në këtë artikull, sipas ligjeve të Republikës së Kosovës, konsiderohet i pafajshëm deri në vendimin e formës së prerë nga gjykata.

Subscribe në YouTube: GAZETA INFOKUSI
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme