Ekonomi

Mësimdhënësit në Kosovë, pagat më të larta në rajon

Autori: Anita Krasniqi 09:51 | 21 January 2019

Punonjësit e arsimit do duheshin që sot të ishin para nxënësve të tyre duke u ligjëruar.

Por nxënësit e Kosovës po hyn në javën e dytë që nuk po i vijojnë mësimet,shkruan gazeta inFokus.

Ndonëse, Kryeministri Ramush Haradinaj u ka bërë ofertë për të ndërprerë grevën, SBASHK-u e ka refuzuar.

-Advertisement-

Sipas ofertës së tij për këtë kategori do të ketë rritje prej 54 eurove.

Rroga minimale e punonjësve të arsimit do të jetë 501 euro, për nivelin parashkollorë.

Ndërsa më e madhja 597 euro për mësimdhënësit në shkolla të mesme.

Sipas kësaj oferte mësimdhënësit në Kosovë kanë rrogën më të madhe në rajon.

Paga e një mësimdhënësi në Shqipëri është 477.85 euro.

Instituti i Statistikave të Shqipërisë (INSTAT) në raportin për tregun e punës dhe arsimit tregon se një mësimdhënës paguhet 59,921 lekë, apo 477.85 euro.

Një mësimdhënës në Maqedoni Veriore paguhet 365.74 euro.

“Për një mësimdhënës paga në vitin 2018 ishte 22,488 denarë [365.74 euro]”, thuhet në raportin “Maqedonia në numra, 2018”, prezantuar nga Enti i Statistikave të Maqedonisë Veriore.

Pavarësisht kësaj, SBASHK’u konsideron se vendimi që ka marrë kryeministri Haradinaj është vetëm 10 për qind e koeficientit të mësimdhënësve dhe jo 30 për qind siç po kërkojnë ata ,prandaj edhe kanë vendosur që ta vazhdojnë grevën./Gazeta inFokus/

Lexo edhe: Greva në arsim po i dekurajon nxënësit e Kosovës