Lajme

Merret vendimi, punonjësit e KEDS/KESCO hyjnë në grevë të përgjithshme nga java e ardhshme

Autori: Gazeta inFokus 18:07 | 13 May 2022

Federata e Sindikatave të Pvarura ElektroKosova ka marrë vendim për grevë të përgjithshme të punonjësve të KEDS/KESCO.

Deri te ky vendim, sipas FSPE-së, ka ardhur pasi nuk janë përmbushur kërkesat e punonjësve për rritje të pagave në vlerë prej 100 eurosh.

Kështu, në dakordim me shtatë distrikte, është marrë vendimi që punonjësit e kësaj ndërmarrjeje të hyjnë në grevë të përgjithshme nga data 19 maj, raporton Indeksonline.

-Advertisement-

“Greva e përgjithshme do të fillojë me datë 19 maj 2022. Kjo nënkupton se të gjithë punonjësit e KEDS/KESCO, nuk do të paraqiten në vendin e punës pa u përmbushur kërkesa për ngritje të pagës prej 100 euro. Arsyeja e vetme e kërkesës për ngritje të pagës vjen si rezultat i trendit të vazhdueshëm të ngritjes së çmimeve” thuhet në vendim.