Lajme

Mblidhet Qeveria, miraton ndarjen e mbi 10 milionë eurove për Pakon e Ringjalljes Ekonomike

Autori: Gazeta inFokus 20:20 | 16 February 2023

Qeveria e Kosovës ka mbajtur mbledhjen e radhës, këtë herë në formë elektronike.

Në këtë mbledhje, Kurti me ministrat e tij ka miratuar disa vendime, ndër to edhe vendimin për ndarjen e 10.3 milionë eurove për zbatimin e masave të Pakos së Ringjalljes Ekonomike.

Këto janë të gjitha vendimet e miratuara:

-Advertisement-

– Vendimin me të cilin Qeveria e Republikës së Kosovës jep mendim lidhur me Nismën legjislative për Projektligjin për ndryshimin dhe plotësimin e Ligjit Nr. 03/L-163 për Minierat dhe Mineralet i ndryshuar dhe plotësuar me Ligjin Nr. 04/L-158. Qeveria vlerëson nismën në pajtim me Kushtetutën e Kosovës dhe Ministria e Ekonomisë mbështetë nismën e propozuar dhe Ministria e Financave, Punës dhe Transfereve ka vlerësuar se kjo nismë nuk krijon kosto shtesë buxhetore për Buxhetin e Republikës së Kosovës.

– Vendimin për themelimin e Komisionit për Shtesën e Kushteve Specifike të Punës.

– Vendimin për ndryshimin dhe plotësimin e Vendimit të Qeverisë Nr. 29/112 të datës 13 dhjetor 2022 për miratimin e Planit të Veprimit për Zbutjen e Ndikimit të Menjëhershëm Socio-Ekonomik të Krizës Energjetike.

– Vendimin për miratimin e ekuivalencës së sistemit të vjetër me sistemin e ri të klasifikimit të koeficienteve me qëllim të llogaritjes së pagës bazë për të punësuarit në sektorin publik, sipas Ligjit Nr. 08/L-196 për Pagat në Sektorin Publik për të cilët është i nevojshëm procesi i klasifikimit të vendeve të punës.

– Vendimin për ndarjen e 10,300,000.00 euro për zbatimin e masave të Pakos së Ringjalljes Ekonomike. /Reporteri.net/.

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera

Fokusi

lajme