Manipulimi me të (pa)punësuarit
Autori: Gazeta inFokus 17:20 | 06 May 2020
Regjistrimi i mbi 10 mijë punëtoreve të rinj në Administratën Tatimore të Kosovës për të përfituar nga pakoja fiskale e Qeverisë po vlerësohet si shenjë e mirë për uljen e papunësisë në vend nga ministri i Financave të Kosovës, Besnik Bislimi.
Ai të martën është krenuar se numri i të papunëve brenda vetëm një muaji është ulur për 6.6%, që përbën uljen më të madhe në 20 vitet e fundit, shkruan gazeta inFokus.
“Që nga viti 1999, shkalla e papunësisë në Kosovë kurrë nuk ka qenë më e ulët se 24.5%”, ka shkruar Bislimi.
Megjithatë, kreu i financave të Kosovës është kritikuar për këtë, për faktin se njohësit e ekonomisë vlerësojnë se sado që në shifra mund të duket ulje reale e papunësisë, nuk është meritë për institucionet e vendit, pasi nuk është raportuar për hapje të vendeve të reja të punës dhe janë ngritur dyshime për manipulimin e bizneseve me të punësuarit.
Në Administratën Tatimore të Kosovës kanë konfirmuar për gazetën inFokus se kanë pranuar mbi 141 kërkesa për kompensim të punëtorëve nga pakoja fiskale.
“Prej tyre: 130,766 me punëtorë te rregullt, 10,315 punëtorë te rijnë (pa shpalljes se masave kufizuese) dhe 1.312 punëtorë qe kanë humbe vendin e pune (pagës, pas shpalljes se masave kufizuese)”, ka thënë Valentina Bytyqi-Sefa.
Zekirja Shabani, kryeredaktor në gazetën inFokus dyshon se të gjithë të aplikuesit si punëtorë të rinj jenë real.
Sipas tij sikur këta mbi 10 mijë të punësuarit e rinj të mos jenë familjarë të pronarëve të bizneseve që kërkojnë të përfitojnë me çdo kusht nga pakoja emergjente e Qeverisë së Kosovës do të ishte lajm shumë i mirë për Kosovën.
“Por, duke u nisur nga dhjetëra raste të raportuara, dyshoj se punëtorët të cilët kanë punuar pa asnjë dokumentacion në momentin e krizës janë zëvendësuar me gra, motra e vëllezër të pronarëve të kompanive”, thotë Shabani.
Nëse po ndodh kjo, ai thotë se situata është shumë e rëndë, shkruan gazeta inFokus.
“Këta persona që deri tani nuk kanë qenë aktiv në tregun e punës po ua marrin bukën e gojës atyre punëtorëve që do të vazhdojnë të mbesin njëjtë “n’të zezën” edhe pas pandemisë, pa përfituar kompensimin për paga nga Qeveria”, vlerëson ai.
Gazeta inFokus ka raportuar për disa raste kur kjo ka ndodhur në Kosovë.
Me deklarimin e ministrit Bislimi nuk pajtohet as analisti Bekim Kabashi.
“Në kohën kur ekonomia është bllokuar në gjithë botën, duke përfshirë edhe Kosovën, ti të pretendosh se ke ulur papunësinë, nuk mund t’i thuash tjetër përveç se mashtrim me qëllim manipulimi”, ka shkruar në llogarinë e tij në facebook Kabashi.
Sipas tij regjistrimi i punëtorëve të tregut të zi me qëllimin për të marrë ndihmë nga pakoja emergjente e shtetit nuk është ulje e papunësisë, shkruan gazeta inFokus.
Një ditë pas deklarimit se për një muaj është ulur papunësia në 24.1 për qind, Bislimi ka reaguar duke thënë se nuk është kuptuar drejtë.
Sipas tij, ai u është referuar vetëm regjistrimeve të reja dhe nëse merret si ndryshimi i vetëm në këtë periudhë nënkupton që shkalla e papunësisë zyrtare do të binte në nivelin e 24.1%.
Megjithatë, ai thotë se masat e pakos fiskale kanë krijuar terrenin e përshtatshëm për formalizim të atyre që me vite e kanë konsideruar të leverdishme të operojnë jashtë kornizave ligjore./Gazeta inFokus/
Të tjera
-
Von Cramon optimiste për anëtarësimin e Kosovës në KiE, por tregon çka kërkojnë disa shtete
Raportuesja për Kosovën në Parlamentin Evropian, Viola von Cramon, është opti...
-
Votimi për largimin e kryetarëve në veri, KQZ mban mbledhje në ora 14:00
Komisioni Qendror i Zgjedhjeve do të mbajë sot mbledhje, me fillim nga ora 14...
-
Shefi i CIA-s: Ukraina mund të humbë pa ndihmën e SHBA
Shefi i CIA-s paralajmëroi se Ukraina mund ta humbasë luftën pa ndihmën e SHB...
-
Bilall Kasami: Një telefonatë se Serbia po bën manovra në kufi me Kosovën, ia pamundësoi Kurtit ardhjen në Berlin
Përfaqësues së koalicionit VLEN që po garon në zgjedhjet e Maqedonisë së Veri...
-
O’Brien sot në Beograd, do të takohet me udhëheqësit e Serbisë
Ndihmëssekretari amerikan i Shtetit për Evropën dhe Euroazinë, James O’Brien,...
-
Valon Murati kritikon Kurtin: Nuk është kohë e mburrjeve
Valon Murati nga Lëvizja për Bashkim ka drejtuar kritika në drejtim të kryemi...
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...