Asambleistja në Kuvendin Komunal të Obiliqit dhe njëherësh nënkryetare e Lidhjes Demokratike të Kosovës, në Obiliq, Linda Bekteshi, ka reaguar lidhur me organizimin dhe funksionimin e partisë në këtë komunë, duke theksuar se LDK-ja ka strukturat dhe njerëzit e saj legjitimë, të cilët kanë kontribuar ndër vite, shkruan Gazeta Infokus.

Përmes një postimi, Bekteshi ka deklaruar se çdo kontribut dhe ambicie duhet të respektohet, por ka theksuar se proceset brenda partisë duhet të zhvillohen sipas rregullave statutare.

“LDK-ja në Obiliq ka shtëpinë e vet, ka strukturën e saj dhe ka njerëz me legjitimitet, të cilët ndër vite kanë punuar e kontribuar për këtë parti.Nga pozicioni i nënkryetares së Degës së LDK-së në Obiliq, besoj dhe gjithmonë kam besuar se çdo kontribut duhet respektuar, çdo ambicie e vullnetit të mirë, por edhe çdo proces që qëllim kryesor e ka fuqizimin e LDK-së dhe i cili zhvillohet në kohën dhe sipas rregullave statutare.”

-Advertisement-

Bekteshi ka rikujtuar se zgjedhjet e brendshme të LDK-së do të mbahen vitin e ardhshëm, sipas kalendarit zgjedhor, ndërsa deri atëherë ka bërë thirrje për punë, përgjegjësi dhe bashkëpunim ndërmjet strukturave partiake.

“Të nderuar aktivistë, veprimtarë dhe qytetarë të Obiliqit, LDK-ja organizon vitin e ardhshëm zgjedhjet e brendshme sipas kalendarit zgjedhor. Andaj, deri atëherë, kemi kohë për punë, përgjegjësi në Asamblenë Komunale, si dhe jemi të hapur për bashkëpunim e solidaritet të brendshëm, filozofi e njohur e LDK-së dhe dëshmi e përkushtimit.LDK-ja nuk ndërtohet brenda natës, po ashtu edhe struktura kërkon devotshmëri, përkushtim e angazhim. Kjo është ajo që na dallon prej të tjerëve.”, ka shkruar Bekteshi.

Po ashtu ajo tha se dyert e LDK-së në Obiliq janë të hapura për secilin që dëshiron të kontruibuojë.

“Bazuar në këto, në kohën nëpër të cilën po kalojmë dhe në atë që kemi përpara, dyert e LDK-së në Obiliq, ju siguroj, janë të hapura për secilin që dëshiron të kontribuojë. Por ka edhe diçka morale: kontributi i atyre që kanë qenë këtu dhe kanë bartur barrën e përgjegjësisë në çdo kohë e rrethanë ndër vite nuk mund të anashkalohet, por duhet të respektohet.Kështu ngrihet partia, kështu arrihen fitoret. LDK-ja në Obiliq ka adresë, e kjo adresë, me njerëzit e saj, ju mirëpret të gjithëve në shtëpinë tuaj, në shtëpinë e Presidentit historik, Dr. Ibrahim Rugova.”, ka përfunduar Bekteshi/.Gazeta Infokus.

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-