Kurti: Një front i ri në Ballkan do t’i shërbente Rusisë e Serbisë
![](https://gazetainfokus.com/wp-content/uploads/2024/06/albin-kurti-852x460.jpg)
Autori: Gazeta inFokus
16:22 | 06 July 2024
Në një opinion të publikuar në gazetën amerikane `The New York Times”, kryeministri i Kosovës, Albin Kurti, ka mbrojtur rëndësinë e NATO-së, duke theksuar se kjo aleancë ushtarake e shpëtoi popullin e Kosovës nga një katastrofë humanitare dhe ndihmoi në ndërtimin e një demokracie të qëndrueshme në Kosovë.
“Disa në Shtetet e Bashkuara kanë minimizuar rëndësinë e NATO-së. Shumë partnerë evropianë shqetësohen se pas zgjedhjeve presidenciale në SHBA në nëntor, angazhimi i SHBA-së ndaj aleancës do të dobësohet. Por derisa NATO-ja përgatitet të mbajë samitin e saj në Uashington të martën, duke shënuar 75 vjet të ekzistencës së saj, unë do të doja t’i kujtoja botës se si NATO është gdhendur në identitetin kulturor dhe politik të një vendi në Evropë: të vendit tim, Kosovës”, ka shkruar Kurti.
Kryeministri tutje kujtoi vitin 1999, kur fushata mizore serbe e drejtuar nga Slobodan Milloseviq solli masakra, përdhunime dhe dëbimin e rreth gjysmës së popullsisë shqiptare të Kosovës.
“Bombardimet e qëndrueshme ajrore të NATO-së ndaj forcave dhe pozicioneve serbe ndaluan tmerrin. Aleanca dërgoi gati 50,000 trupa menjëherë pas kësaj. Kush nga populli im mund të harrojë pamjen e ushtarëve të NATO-së që u pritën me brohoritje ndërsa mbërritën? Gjatë 25 viteve të fundit, ndërsa NATO ndihmoi në çlirimin e Kosovës dhe mbajti paqen, ne në këmbim ndërtuam demokracinë për të kultivuar këtë paqe nga brenda”, ka theksuar Kurti.
Duke theksuar se ndërhyrja e NATO-s ishte humanitare, Kurti gjithashtu argumentoi se ajo i shërbeu interesave kombëtare të vendeve anëtare të NATO-së duke ndalur përhapjen e konfliktit në Evropën Perëndimore dhe duke mbrojtur sigurinë e rajonit.
Megjithëse Kosova ka arritur stabilitet, Kurti thekson se kërcënimet për sigurinë e saj janë ende të pranishme. Ai përmendi mobilizimin e forcave ushtarake serbe pranë kufirit të Kosovës dhe përpjekjet e grupeve paramilitare serbe për të destabilizuar vendin, siç ishte akti agresor në shtator të vitit të kaluar në Banjskë.
“Një front i ri në Ballkan do t’i shërbente Rusisë dhe Serbisë: Serbia mund të përpiqej të fitonte territor përmes agresionit dhe Rusia mund të fitonte një kontroll më të fortë mbi Serbinë si një satelit, përveçse do të shpërqendronte botën nga lufta që po zhvillon në Ukrainë. Nën drejtimin e Vuçiqit, Serbia ka investuar shumë si në ushtrinë e saj, ashtu edhe në bashkëpunimin ushtarak me Rusinë. Një raport i vitit 2019 nga Departamenti i Mbrojtjes i SHBA-s konkludoi se “Serbia ofron mjedisin më të favorshëm për ndikimin rus”, ka nënvizuar kryeministri Kurti.
![](https://gazetainfokus.com/wp-content/uploads/2023/12/Image_20231220_143505_782-scaled.jpeg)
Të tjera
-
Arrestohet në Shqipëri kosovari që dyshohet për fajde dhe shtytje në vetëvrạsje, ekstradohet në Kosovë
Policia e Kosovës ka njoftuar se kosovari i cili ishte në kërkim policor për ...
-
Mbi 2 mijë kërkesa për konvertimin e patentë-shoferëve në veri
Mbi 2 mijë kërkesa për konvertimin e patentë-shoferëve janë bërë deri më në v...
-
“Tendencë e kapjes”, edhe LDK thotë se do t’i dërgojë në Kushtetuese ligjin për KPK-në dhe atë për KPM-në
Lidhja Demokratike e Kosovës tha se votimet e sotme nga deputetët e partisë n...
-
Mendim Rugova parashikon që temperaturat e larta do të zgjasin deri në gusht
Paralajmërimet e motit, zjarret në pyje, shkrirja e trotuareve në qytete: një...
-
Ministrja Haxhiu: Ligji për KPK-në, eleminon korporatizmin dhe grupet klanore
Ministrja e Drejtësisë, Albulena Haxhiu, ka thënë se Ligji i votuar sot për K...
-
Raportohet se Dardan Krivaqa u alivanos gjatë seancës
Sot është mbajtur seanca në rigjykimin ndaj Dardan Krivaqës, i akuzuar vrasje...
-
PDK do t’i dërgojë në Kushtetuese Ligjin për KPM-në dhe atë për KPK-në
Shefi i Grupit Parlamentar të PDK-së, Abelard Tahiri, ka paralajmëruar se do ...
-
KPK nuk shpall konkurs, e cakton Njazi Rexhën ushtrues të detyrës së Kryeprokurorit në Prokurorinë Themelore në Mitrovicë
Këshilli Prokurorial i Kosovës (KPK) në takimin e 250-të të mbajtur të enjten...
-
Arrestohet 27-vjeçari i kërkuar nga policia për tentim vrạsjen në Gjilan
Njësiti i hetimeve rajonale Gjilan ka arrestuar sot personin me inicialet G.E...
-
Danas: Çfarë po bën Vuçiq në Ditën e Përkujtimit të Gjenocịdit?
Presidenti serb Aleksandar Vuçiq ka pagëzuar sot në kishën e Shën Savës Llaza...
-
Miratimi i ligjit për KPM, shefi i Zyrës së BE-së: Kuvendi i Kosovës humbi mundësinë për të pasur ligje të mira
Pasi Lëvizja Vetëvendosje ka miratuar në Kuvend ligjin për KPM-në pa marrë pa...
-
Miratimi i ligjit për KPM-në, Gutierrez: Ditë e zezë për lirinë e medias dhe demokracinë në Kosovë
Ricardo Gutierrez, sekretar i përgjithshëm i Federatës Europiane të Gazetarëv...