Kur do të liberalizohen vizat për kosovarët, tregojnë në ministrinë e Donika Gërvallës
Autori: Gazeta inFokus 16:38 | 24 May 2021
Problemit të kosovarëve në lidhje me udhëtimin e lirë në vendet e Bashkimit Evropian, duket se do t’i vjen fundi.
Kjo pasi kanë mbetur vetëm edhe pak shtetet që kanë dyshime në lidhje me lëvizjen e lirë të kosovarëve për në zonën Schengen.
Kështu kanë thënë për Gazetën Infokus, nga Ministria e Punëve të Jashtme dhe Diasporës.
Ministria e udhëhequr nga Donika Gërvalla –Schwarz, deklaroi se janë të përkushtuar për t’ua mundësuar qytetarëve të Kosovës mundësinë që të lëvizin lirshëm si çdo qytetar tjetër evropian.
“Qeveria e Kosovës në përgjithësi dhe MPJD në veçanti, këtë çështje shumë të rëndësishme për qytetarët e Kosovës e trajtojnë me intensitet në të gjitha takimet me palët skeptike, por edhe me partnerët evropianë, të cilët e mbështesin Kosovën në këtë rrugë. Eshtë i përditshëm përkushtimi për konkretizimin sa më të shpejtë të kësaj çështjeje, në mënyrë që edhe qytetarët e Kosovës të kenë mundësi të lëvizin lirshëm si çdo qytetar tjetër evropian”, kanë thënë nga kjo ministri.
Nga ky institucion, kanë treguar për Gazetën Infokus, se Parlamenti Evropian, Komisioni Evropian dhe shumica dërrmuese e shteteve anëtare të BE-së përkrahin liberalizimin e vizave për Kosovën.
“Mund të numërohen në një dorë shtetet të cilat janë ende skeptike rreth këtij procesi. Përkushtimi dhe veprimet konkrete të Qeverisë në drejtim të forcimit të rendit dhe ligjit do të jenë argumentet më bindëse për të larguar skepticizmin që është ende prezent në këto pak shtete”, thuhet në përgjigje.
Se kosovarët e meritojnë të lëvizin të lirë dhe të marrin liberalizimin e vizave ka deklaruar edhe shefi i Diplomacisë Evropiane, Josep Borrell.
Borrell u shpreh se duhet bërë përparim në këtë çështje, duke theksuar se ai personalisht do të mbështes një gjë të tillë.
“Ka kaluar shumë kohë për liberalizimin e vizave për Kosovën. Vendi i ka përmbushur të gjitha kriteret lidhur me këtë proces dhe ne tani duhet të bëjmë përparim në këtë çështje. Unë do ta mbështes plotësisht këtë.”, ka deklaruar Borrell.
Ndryshe lëvizja e lirë e qytetarëve të Kosovës në zonën Schengen ose siç njihet si liberalizmi i vizave, në diskursin e politikës brenda dhe jashtë vendit, ka nisur që nga viti 2010./Gazeta Infokus/
Të tjera
-
Abazoviq: Vota kundër Kosovës e Malit tw Zi tregon realitet të ri
Ish-kryeministri i Malit të Zi, Dritan Abazoviq ka thënë se vota kundër Kosov...
-
Osmani e Statovci ishin për iftar në mensën e studentëve
Presidentja e vendit, Vjosa Osmani, bashkë me deputeten e Listës Guxo, në gru...
-
Mbahet ankandi elektronik për projektin solar prej 100 MW
Ministria e Ekonomisë do të mbajë ankandin elektronik për projektin e parë so...
-
Sot mblidhen dy komisione të Kuvendit
Komisioni për Buxhet, Punë dhe Transfere, si dhe ai për Administratë Publike,...
-
Nënshkruhet sot marrëveshja Kosovë-Mali i Zi për IPA III
Zëvendëskryeministri Besnik Bislimi dhe ministrja për Çështje Evropiane të Ma...
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...