Sport

Kryetari i klubit të Drenicës tregon arsyen pse nuk po luajnë në stadiumin ‘Bajram Aliu’  

Autori: Erion Maliqaj 22:47 | 16 February 2021

Skuadra e Drenicës ndeshjet si vendas në stinorin pranveror nuk po i zhvillon në stadiumin ‘Bajram Aliu’ në Skenderaj, shkruan Gazeta inFokus.

‘Kuqezinjtë’ sfidën e parë si nikoqir e luajtën në stadiumin me bari sintetik në Drenas ndaj Ulpianës, në kuadër të Kupës së Kosovës, ku triumfuan me rezultat 4-0 dhe kaluan në çerekfinale të kësaj gare.

Edhe duelin e parë në stinorin pranveror si vendas në Superligë ndaj Besës së Pejës, drenicasit nuk do ta zhvillojnë në shtëpi.

-Advertisement-

May be an image of 1 person, standing, playing football dhe ambiente të jashtme

Kryetari i klubit të Drenicës, Ilir Veliqi, në një prononcim për Gazetën inFokus ka treguar arsyen pse po i luajnë ndeshjet jashtë Skenderajt.

Ai ka thënë se gjendja e fushës në stadiumin ‘Bajram Aliu, po i detyron që takimet si vendas ti zhvillojnë në Drenas.

“Arsyeja e vetmja është gjendja e fushës që është në stadiumin ‘Bajram Aliu’ pas reshjeve të dëborës. Te shpresojmë se me përmirësimin e motit do ti kthehemi fushës sonë, e cila është shumë me e përshtatshme, pasi që në fushën me barin sintetik kemi qenë në disavantazh çdo herë, por kushtet e bëjnë të veten, e ne duhet me u përshtatë”, tha fillimisht Veliqi.

Tutje i pari i klubit nga Skenderaj ka falënderuar FFK-në dhe Drenasin për sigurimin e fushës.

“Edhe për sigurimin e kësaj fushe është dashur kërkesë në federatë, kërkesë në klubin e Drenasit d.m.th. nuk ka qenë e lehtë, por i falënderoj te dyja palët për mirëkuptim edhe federatën edhe klubin e Drenasit’, deklaroi ai për Gazetën inFokus.

Nuk ka asnjë përshkrim të disponueshëm

Për fund Veliqi theksoi se Besa e Pejës janë të adaptuar për të luajtur në stadium me bari sintetik.

“Sa i përket Besës së Pejës, ata edhe kështu janë të adaptuar të luajnë në fushë me bari sintetik, çka për ta nuk do të paraqesë ndonjë pengesë”, përfundoi Ilir Veliqi.

Drenica përballjen ndaj Besës së Pejës do ta zhvilloj të shtunën në kuadër të xhiros së 20-të në elitën e futbollit kosovar./Gazeta inFokus/

 

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

sport