Fokus

Krye sindikalisti hedh dyshimet se paga e minatorëve po përdoret nga menaxhmenti i Trepçës në emër të qeverisë

Autori: Samire Jaha 15:43 | 21 August 2023

Sot pas ndëshkimit të 151 minatorëve të Trepçës, duke u ndalur nga 176 euro në pagat e tyre, Kryetari i Sindikatës së Minatorëve, Ibrahim Januzi ka kërkuar sqarime nga qeveria e Kosovës.

Ai në një prononcim për Infokus ka thënë se po dyshojnë që menaxhmenti po përdor pagat e minatorëve në emër të qeverisë. E për këtë ai ka thënë se dëshiron të dijë versionin e qeverisë se a po bëhet kjo me dijeninë e pushtetit.

Januzi po ashtu i ka bërë thirrje qeverisë që të investojë për rregullimin e problemeve financiare, shkruan Gazeta Infokus.

-Advertisement-

“Njëra prej kërkesave që duhet drejtuar për qeverinë është sepse po mendojmë që menaxhmenti po e përdor pagën e njerëzve në emër të qeverisë e për neve duhet ta dijmë se a është vendim edhe i qeverisë apo vendim i menaxhmentit, kërkesa jeme ndaj qeverisë është që të bëjnë thirrje që me vepru edhe me investu ndreqjen e vështirësisë financiare në mungesë mjeteve të punë në mungesë të kushteve, sepse kemi shumë minatorë që janë të shëmuar, me probleme shëndetësore të mëdhaja për të cilat asnjëra nga qeveritë e pasluftës nuk ka menduar për kategoritë e kësaj shoqërie”, ka thënë ai.

Ai ka shtuar se greva është njëri ndër mjetet e kundërshtimit që u sigurohet me ligjin për organizimin sindikal dhe se do të përdorin çdo mjet për të shprehur pakënaqësitë e tyre.

“Nuk e përjashtojmë asnjë mundësi, dhe grevën na e garantojnë edhe ligji për organizimin sindikal për çdo pakënaqësi do të i shterim të gjitha mundësitë, do të komunikojmë edhe me menaxhmentin mirëpo nëse ata mendojnë që mund të marrin vendime vetëm sipas dëshirën dhe momentit  të tyre atëherë mendojmë që është qasje shumë e gabueshme edhe nuk na qet në rrugë në mes menaxhmentit dhe sindikatës”, është prononcuar Januzi për Infokus.

Ndryshe sot 151 minatorët e Trepçës janë ndëshkuar me nga 176 euro për këto katër ditë të bojkotimit të punës./Gazeta Infokus/

Më poshtë dëgjojeni prononcimin e plotë të kryetarit të Sindikatës së Minatorëve:

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite
-Advertisement-

Të tjera

Fokusi

fokus