Lajme

Krasniqi bën homazhe në Reçak: Vrasja e 45 civilëve ishte krim kundër njerëzimit

Autori: Gazeta inFokus 11:17 | 15 January 2023

Kryetari i Partisë Demokratike të Kosovës, Memli Krasniqi, ka bërë homazhe në Reçak, në 24-vjetorin e masakrës, shkruan Gazeta Infokus.

Ai përmes një postimi në “Facebook”, ka publikuar fotografi nga këto homazhe dhe ka shkruar se kjo masakër “dëshmoi qëllimin dhe synimin e një politike gjenocidale dhe të orkestruar të Serbisë kundër shqiptarëve të Kosovës”.

Krasniqi tha se vrasja e 45 civilëve në Reçak ishte krim kundër njerëzimit.

-Advertisement-

“Masakra e Reçakut, 24 vjet më parë, dëshmoi qëllimin dhe synimin e një politike gjenocidale dhe të orkestruar të Serbisë kundër shqiptarëve në Kosovë. Vrasja e 45 civilëve në Reçak, në gjaktftohësi dhe me paramendim, ishte krim kundër njerëzimit – çka me të drejtë e cilësoi edhe Ambasadori Ëilliam Ëalker. Krimet ndaj popullatës civile shqiptare, gjatë luftës së viteve 1998/99, nuk do të harrohen asnjëherë dhe për to nuk do të heshtim derisa drejtësia të vihet në vend. Sot, bashkë me kolegë e bashkëpunëtorë nga PDK, bëmë homazhe tek Kompleksi Përkujtimor në Reçak për të kujtuar viktimat e kësaj masakre. Lavdi të përjetshme martirëve, dëshmorëve dhe heronjve të Kosovës”, ka shkruar Krasniqi./Gazeta Infokus/

Më poshtë gjeni postimin e tij të plotë:

Subscribe në YouTube: GAZETA INFOKUSI