Kemal Ademi, Dardanët nuk e merituan një fyerje të tillë
Autori: Gazeta inFokus 20:49 | 05 February 2021
Futbollisti Kemal Ademi ka irrituar tejmase opinionin futbolldashës në Kosovë me deklaratën e sotme se do të ishte i lumtur të merrte një telefonatë nga trajneri serb Vladimir Petkoviq për ta përfaqësuar Zvicrën.
Në fakt, ka kohë që ky futbollist ka dhënë sinjale dhe zotim për ta përfaqësuar Kosovën, por tani duket qartë se po luan me dy karta, e ku fanellën e Dardanëve e sheh vetëm si opsion rezervë – nëse dështon ftesa nga Kombëtarja e Zvicrës. Në vend që vendi i origjinës të ishte zgjidhja e tij e parë, ky futbollist luan me ndjenjat e tifozëve të Kosovës, madje duke dhënë deklarata që mund të vlerësohen edhe si ofenduese.
Kosova nuk ka nevojë për futbollistë të tillë. Ata që nuk e zgjedhin fanellën dardane me zemër, nuk i duhen Kosovës. Të gjithë duhet të jenë të vetëdijshëm se kjo Kosovë që sot është anëtare e UEFA-s e FIFA-s është krijuar me shumë sakrifica – me dekada të tëra mjerim e vuajtje nga okupatori serb, deri te derdhja e gjakut për liri. Prandaj, me të drejtë shtrohen sot pyetjet e shumë tifozëve shqiptarë: Ku mbeti patriotizmi, ku mbeti besa e dhënë?!
Është vërtetë e pakuptimtë që për interesa të ngushta personale luhet kaq shumë me ndjenjat e miliona shqiptarëve. Do të ishte plotësisht korrekte nga ana e këtij futbollisti sikur në fillim të deklarohej se e sheh veten te Zvicra, e jo që të shkelë mbi zotimin e tij se zemra i rrah për Kosovën.
Është fakt që Kosova është vend i vogël dhe i varfër, por asnjë vend tjetër në botë nuk ja jep ngrohtësinë dhe ndjenjën e krenarisë sikur Kosova dhe populli i saj.
Shumë futbollistë janë të penduar që e vlerësuan më shumë interesin personal se sa rrahjet e zemrës së tyre, prandaj lojarët si
Kemal Ademi do të duhej të merrnin mësim dhe të mos nxitoheshin për vendimin më të madh të karrierës së tyre.
Futbollisti i njohur turk Mesut Ozil u pendua shumë që zgjodhi ta përfaqësojë Gjermaninë, edhe pse me të arriti shumë suksese në karrierë. Pra, suksesi dhe paraja nuk krahasohet me krenarinë që ta sjellë dashuria e pastër për atdheun.
”Gabimi më i madh në karrierë ka qenë që nuk luajta për kombëtaren time të Turqisë. Tani e kam kuptuar se suksesi më i madh në jetë është të luash për kombin tënd, e jo të fitosh Botërorin me një kombëtare tjetër e cila të shfrytëzon vetëm atëherë kur i duhesh”, kishte thënë Ozil.
Këtë deklaratë të Ozilit do të duhej ta lexonin këto ditë Kemal Ademi e Andi Zeqiri, por edhe futbollistë tjerë kosovarë, të cilët po e kanë aq të vështirë për të vendosur për vendin që do ta përfaqësojnë.
Gjithsesi, ata duhet ta dinë se Kosova edhe pa ta në ekip do të jetë e suksesshme dhe do t’i bëjë krenarë miliona shqiptarë.
Të tjera
-
Avokati i Jakup Krasniqit: Një dëshmitar ka thënë se i kujtohet që Rugova i është referuar UÇK-së si “lojë serbe”
Në gjykimin ndaj Hashim Thaçit, Kadri Veselit, Rexhep Selimit dhe Jakup Krasn...
-
Takimi i Kurtit në mbështetje të Sinanit e Mustafit, Çitaku: Po e vazhdon vallen e përçarjes së shqiptarëve
Sekretarja e Përgjithshme e PDK-së, Vlora Çitaku, ka akuzuar kryeministrin Al...
-
Murati del me një sqarim rreth Pilotimit të Skemës së Asistencës Sociale
Ministri i Financave, Hekuran Murati ka dalë me një sqarim rreth Pilotimit të...
-
Gjermania ua zgjat mandatin ushtarëve të saj në Kosovë, vendim vjen pas ngritjes së tensioneve mes Kosovës dhe Serbisë
Kabineti qeveritar i Gjermanisë, nën udhëheqjen e kancelarit të Olaf Scholz, ...
-
Specialja ia vazhdon paraburgimin ish-presidentit Thaçi
Dhomat e Specializuara të Kosovës (DhSK) në Hagë ia kanë vazhduar masën e par...
-
Qeveria gjermane voton pro zgjatjes së mandatit të ushtarëve në Kosovë
Kabineti qeveritar i Gjermanisë, nën udhëheqjen e kancelarit të Olaf Scholz, ...
-
Ademi në Athinë, takohet me kuzhinierin e famshëm turk, Nusret
Presidenti i Federatës së Futbollit të Kosovës, Agim Ademi, po qëndron në Ath...
-
Policia kontrollon Parlamentin Evropian, dyshohet për ndërhyrje ruse
Zyra e prokurorit federal të Belgjikës ka thënë sot se policia ka kryer kontr...
-
Prokuroria parashtron ankesë kundër vendimit të gjykatës për lirimin e Skender Hysenit nga akuza për mosraportim të pasurisë
Prokuroria Themelore në Prishtinë, ka paraqitur ankesë në Gjykatën e Apelit k...
-
Reuters: Kosova përgatitet të strehojë 300 të burgosur nga Danimarka, ngriten shqetësime për të drejtat e njeriut
Në një burg në Kosovën lindore, po zhvillohen plane për të larguar të gjithë ...
-
Dua Lipa e shokuar bën thirrjen e fortë për ndaljen e gjenocidit izraelit në Gaza
Në tetor, artistja nga Kosova me famë botërore, Dua Lipa, ishte një nga shumë...
-
Ministria e Shëndetësisë jep 28 mijë euro për bileta aeroplani
Ministria e Shëndetësisë në krye me ministrin, Arben Vitia ka hapur një tende...