Rozë

Kanye West merr vendimin e papritur për divorcin me Kim Kardashian

Autori: Gazeta inFokus 14:19 | 19 October 2022

Kërkesa për divorc e vitit 2021 e Kim Kardashian ndaj ish-bashkëshortit të saj, Kanye West duket se do të finalizohet së shpejti. Ndonëse prej kohësh nuk janë me njëri-tjetrin, madje kanë pasur edhe lidhje të tjera gjatë kësaj kohe, Kim dhe Kanye në letra rezultojnë të martuar.

Reperi së fundmi ka pajtuar një nga avokatët më të mirë në Hollywood, për të zgjidhur përfundimisht ligjërisht divorcin e tij.

Ndërsa ish-çifti kanë rënë dakord se si të ndajnë perandorinë e tyre shumë miliardë dollarëshe, nuk ka asnjë tregues se ata arritën në një marrëveshje për kujdestarinë e katër fëmijëve të tyre – North, Saint, Chicago dhe Psalm, e cila mund të jetë një betejë e vështirë për Kardashian.

-Advertisement-

Ndonëse gjatë kësaj periudhe, reperi dhe ylli televiziv kanë funksionuar mirë në rolin e bashkë prindërimit, West i tha Tucker Carlson në fillim të këtij muaji se ai nuk është i gatshëm të bëjë “kompromis” kur bëhet fjalë për arsimimin e fëmijëve të tij.

Reperi i “Donda” dhe ylli i “The Kardashians” janë grindur për muaj të tërë se ku t’i dërgojnë fëmijët e tyre në shkollë, me reperin që sugjeron një “ide” që ata të ndajnë kohën midis shkollës së tyre private dhe Akademisë së tij “Donda”.

Megjithatë, Kardashian ka hezituar t’i dërgojë fëmijët e tyre në shkollën misterioze të West, e cila ende nuk është akredituar nga Shoqata Perëndimore e Shkollave dhe Kolegjeve.

Themeluesja e “Skims” aktualisht ka kujdestarinë e fëmijëve të tyre “80 për qind” të kohës dhe thuhet se ka ndërprerë të gjithë komunikimin me babain e tyre për shkak të deklaratave të tij në mediat sociale, së fundmi.

“Ata kanë pasur zero komunikim prej disa javësh dhe i gjithë komunikimi në lidhje me oraret e fëmijëve tani koordinohet përmes asistentëve,” u shpreh një burim i brendshëm.