Hoti: Qytetarët tashmë e dinë, e vërteta është vetëm LDK-ja
Autori: Gazeta inFokus 17:42 | 10 February 2021
Kandidati i Lidhjes Demokratike të Kosovës (LDK) për kryeministër, Avdullah Hoti, tha të mërkurën gjatë një tubimi në Artanë (Novobërdë) se fitorja e LDK-së këtë të diele është fitore e demokracisë ndaj autokracisë.
“Është fitore e vlerave perëndimore, ndaj atyre lindore dhe qytetarët e Kosovës, të përcaktuar qysh përpara 21 vjetësh për përafrim me perëndimin, nuk do të lejojnë ta kthejnë Kosova kah lindja”, tha Hoti.
Ai tha se me votën për LDK-në më 14 shkurt, qytetarët e Kosovës do t’ua pamundësojnë majtistëve bolshevikë të udhëheqin me qeverinë e Kosovës. “Por, ne do të kujdesemi për ata qytetarë që u besojnë atyre që t’u shpjegojmë se ata janë mashtruar nga propaganda dhe t’i afrojmë edhe ata me vlerat e vërteta perëndimore”, tha Hoti.
Sipas Hotit, këto ditë tashmë në tërë Kosovën është përçuar mesazhi dhe tashmë dihet e vërteta. “Ne do ta marrim mbështetjen e qytetarëve dhe jemi të sigurt se e kemi të qartë rrugën që duhet ndjekur në procesin e dialogut me Serbinë. Atë proces ne do ta përmbyllim me njohje reciproke, duke punuar bashkë me aleatët tanë evropianë dhe me amerikanë. LDK-ja ka mision për ta udhëhequr me përgjegjësi përmbylljen e integrimit e Kosovës në strukturat euro-atlantike dhe për t’i ruajtur vlerat demokratike të shoqërisë dhe shtetit tone”, tha Hoti.
Hoti u shpreh I bindur në fitoren e LDK-së, ndërsa siguroi se do të vazhdoj menaxhimin me sukses të proceseve që kanë sfiduar shtetet më të zhvilluara të botës.
“Edhe pse me resurse të pakta shëndetësore, radhitemi ndër vendet që kemi menaxhuar më së miri pandeminë, që gjunjëzoi botën. Me këtë rast, i falënderoj të gjithë ata që ende janë në vijën e parë të frontit në luftën kundër pandemisë dhe ju shpreh ngushëllime atyre që kanë humbur të dashurit e tyre.
Me pakon e rimëkëmbjes ekonomike më të madhen në rajon, kemi arritur të përgjysmojmë efektin negativ të pandemisë në ekonomi. E ndihmuam shëndetësinë, arsimin, komunat, bujqësinë, gratë në biznes, qytetarët në kushte të vështira, pensionistët, familjet në asistencë sociale.
Deri më tani kemi mobilizuar rreth 700 milionë euro për ekonomi dhe qytetarë. Me veprimet tona, qytetari dhe biznesi po e ndjenë kujdesin e shtetit.
Ne tanimë e kemi nxjerrë ekonominë nga kriza e pandemisë. Në janar të këtij viti qarkullimi i bizneseve është më i lartë se i vitit të kaluar. Edhe në kohë pandemie, eksportet tona janë rritur me 25%”, tha Hoti.
Sipas tij, më 14 shkurt, banorët e Anamoravës, ashtu sikurse të gjithë qytetarët e Kosovës, duhet të demonstrojnë përkushtimin e tyre për shtetin e Kosovës.
“Duke votuar LDK, në numrin 132 dhe duke përzgjedhur nga 5 kandidatë nga lista e kandidatëve tanë për deputetë, Ju na jepni përgjegjësi për ta qeverisur Kosovën me programin tone, që është përgjigje për secilën nevojë tuajën. Duke na votuar ne më 14 shkurt, ju e ndalni rrezikun për rrëshqitjen e Kosovës në totalitarizëm e autokraci. Duke na votuar ne, ju i çoni në harresë ata që po përpiqen të mashtrojnë duke fshirë të kaluarën e tyre. Sepse Kosova ka nevojë për stabilitet, përafrim me Bashkimin Evropian dhe si për bukë, për ujë e ajër, ka nevojë për aleatin e saj, Shtetet e Bashkuara të Amerikës.
Kryetari i degës së LDK-së në Novobërdë, Bajrush Imeri, ka fajësuar ish-partnerët e koalicioneve të cilët sipas tij, nuk veprojnë si LDK-ja në interes të Kosovës.
Ai ka falënderuar kryeministrin Hoti për mbështetjen e qeverisë që ai drejton për qytetarët e Novobërdës gjatë kësaj kohe të vështirë të ballafaqimit me pandeminë.
Kandidati për deputet nga Aleanca Kosova e Re (AKR), Ibrahim Makolli, tha se Malësia e Minatorëve do të dijë të rreshtohet më 14 shkurt, në testin më të rëndësishëm për t’i dhënë besim qeverisë së Avdullah Hotit.
Të tjera
-
Arrestohet ish-presidenti Ilir Meta
Mediat në Tiranë po raportojnë se është arrestuar kreu i Partisë së Lirisë, I...
-
Zyrtare: Kurti takohet sot me O’Brien
Është konfirmuar takimi mes ndihmës sekretari i shtetit amerikan për Evropë d...
-
Policia jep detaje se pse ndodhi aksidenti ku humbi jetën 33 vjeçari në rrugën Gjilan – Kamenicë
Policia e Kosovës ka njoftuar se mospërshtatja e shpejtësisë dhe mosrespektim...
-
Shtetasja e Shqipërisë e rrạh kosovaren në Obiliq
Një shtetase e Shqipërisë dyshohet se pas një mosmarrëveshjeje e ka sulmuar s...
-
Policia e Kosovës fillon trajnimin e gjeneratës së 61-të
Policia e Kosovës, Divizioni i Trajnimeve në Akademinë e Kosovës për Siguri P...
-
AGK-ja themelon Rrjetin e Grave Gazetare të Kosovës
Asociacioni i Gazetarëve të Kosovës ka themeluar Rrjetin e Grave Gazetare të ...
-
Lirohet nga paraburgimi njëri nga ish-administratorët e “Albkings”
Gjykata Themelore e Prishtinës ia ka ndërprerë masën e paraburgimit Edin Nevz...
-
Fatos Aliu jep detaje ekskluzive se si ia auluan konkursin për drejtor të bordit të KEK-ut, vetëm për të zgjedhur kryeshef Nagip Krasniqin
Në bazë të rrëfimit të kryeshefit të parë ekzekutiv të Korporatës Energjetike...
-
Kim Jong-Un dërgon forcat ushtarake në Ukrainë, Koreja e Jugut takim urgjent me ambasadorin rus: E dënojmë këtë bashkëpunim të paligjshëm
Koreja e Jugut ka thirrur ambasadorin rus në Seul për të protestuar me termat...
-
Hamza në Podujevë, premton vende pune dhe rritje pagash
Kandidati i PDK-së për kryeministër, Bedri Hamza, ka zhvilluar punëtorinë e r...
-
O’Brien për asociacionin: Hap i rëndësishëm, drafti të dërgohet në Gjykatën Kushtetuese
Ndihmës sekretari amerikan i Shtetit për Evropë dhe Azi, James O’Brien, në nj...
-
Mori pjesë në rrëṃbiṃiṇ e një personi, arrestohet i dyshuari në Gjilan
Një personë shtë arrestuar në Gjilan pasi që i njëjti ishte i përfshirë në kr...