Lajme

Haxhiu: PLAN-i do të mbahet në mend vetëm për panik dhe përçarje

Autori: Gazeta inFokus 20:38 | 05 April 2020

Ministrja në detyrë e Drejtësisë Albulena Haxhiu ka lavdëruar punën e institucioneve në menaxhimin e situatës së krijuar me koronavirus, si pasoj e të cilit deri më tash janë konfirmuar 145 raste, prej tyre pesë të reja vetëm sot.

Ajo thotë se menaxhimi më i mirë i situatës aktuale është qasja e duhur e qeverisë së bashku me disiplinën e qytetarëve për të shmangur sa më shumë që të jetë e mundur përhapja e kësaj sëmundje që tashmë ka prekur pothuajse të gjithë botën.

Haxhiu në një postim në Facebook shkruan se qytetarët, partitë e PLAN-it, do t’i mbajnë në mend vetëm për tendencën e përhapjes së panikut dhe përçarjes në këtë kohë pandemie, në vend që të ishin krah institucioneve dhe të ndihmojnë në këto ditë të vështira.

-Advertisement-

“Ata që dështuan të krijojnë situata të jashtëzakonshme në letër, dje u përpoqën të nxisin incidente në terren. Të d ashur qytetarë, ruajeni qetësinë, shmangni deklaratat e tyre me motive përçarëse dhe vazhdoni t’i besoni atyre që po bëjnë çmos për të shpëtuar jetët e njerëzve, stafit mjekësorë e po ashtu edhe policisë, ashtu siç keni bërë deri tash”, porosit Haxhiu.

Subscribe në YouTube: GAZETA INFOKUSI