Lajme

Grabitje e armatosur në Skenderaj, policia arreston të dyshuari dhe i konfiskon armën me municion

Autori: Gazeta inFokus 10:39 | 25 February 2023

Një 38-vjeçar është arrestuar të shtunën në Skenderaj, nën dyshimin se ka kryer një grabitje të armatosur, shkruan Gazeta Infokus.

Sipas policisë i dyshuari me inicialet N.B, i maskuar kishte hyrë në shtëpinë e ankuesit ku kishte marrë një çantë në të cilën kishte pasur të holla dhe dokumente personale.

“I dyshuari ishte vërejtur nga familjarët e shtëpisë të cilët ishin ballafaquar me të dyshuarin dhe kishin arritur ta ndalonin derisa kishin arritur njësitë policore”, thuhet në komunikatën e policisë.

-Advertisement-

Gjithashtu, Policia e Kosovës njofton se atij i është sekuestruar një armë tytëshkurtër e llojit pistoletë me municion.

“Atij i është sekuestruar një armë tytëshkurtër e llojit pistoletë me municion, të cilat do të procedohen në cilësinë e provave materiale.

Është njoftuar prokurori kujdestar ku me urdhër të tij është iniciuar rasti ,,Grabitje” ndërsa hetimet do të vazhdojnë”, thuhet tutje në komunikatën e PK-së./Gazeta Infokus/

Subscribe në YouTube: GAZETA INFOKUSI