Lajme

“Goditja pa dallim” e civilëve është krim lufte, tha Papa në fjalimin e tij

Autori: Gazeta inFokus 19:26 | 08 January 2024

Papa Françesku, duke trajtuar konfliktet në Lindjen e Mesme dhe Ukrainë në fjalimin e tij vjetor para diplomatëve, tha të hënën se “goditja pa dallim” e civilëve është një krim lufte sepse shkel ligjin ndërkombëtar humanitar.

Françesku, i bëri komentet e tij në një fjalim 45-minutësh drejtuar të dërguarve të akredituar nga Vatikani në 184 vende të botës.

Në të, ai foli edhe për konfliktet në Afrikë dhe Azi, krizat e migracionit në Shtetet e Bashkuara dhe Amerikën Latine, ndryshimet klimatike dhe persekutimin e të krishterëve.

-Advertisement-

Duke shprehur shqetësimin se lufta midis Izraelit dhe grupit islamik palestinez Hamas në Rripin e Gazës mund të përhapet në Lindjen e Mesme dhe më gjerë, ai bëri thirrje për një “armëpushim në çdo front, përfshirë Libanin”.

Ai dënoi sulmin ndërkufitar të Hamasit të 7 tetorit nga Gaza në Izraelin jugor si një akt “mizor” të “terrorizmit dhe ekstremizmit” dhe bëri një thirrje për çlirimin e menjëhershëm të atyre që ende mbahen nga militantët në Gaza.

Në komentet që lidhin dy konfliktet e profilit të lartë, Françesku tha se lufta moderne shpesh nuk bën dallimin midis objektivave ushtarake dhe civile.

Nuk ka asnjë konflikt që nuk përfundon në një farë mënyre “duke goditur pa dallim” popullatën civile, tha ai, shkruan Reuters.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy