Fokus

Gjakovari po prezantohet si shitës banesash në rrjete sociale, mashtroi dhe i mori një gruaje 10 mijë euro

Autori: Samire Jaha 12:19 | 22 February 2023

Gazeta Infokus një ditë më parë ka raportuar se një grua në Gjakovë ka rënë pre e mashtrimit në rrjetet sociale nga një person i cili i ishte prezantuar asaj si shitës banesash.

Ajo ka raportuar në polici se një burrë online ka arritur të bindë që ti japë edhe një shumë të konsiderueshme të parave  e që kjo shumë që gruaja i ka dhënë personit të dyshimtë është 10 mijë euro.

Këtë për Infokus e ka konfirmuar Hekuran Batusha zyrtar në Prokurorinë Themelore në Gjakovë.

-Advertisement-

“Prokuroria Themelore në Gjakovë në koordinim me Policinë e Kosovës janë duke i ndërmarrë gjitha veprimet hetimore dhe janë duke punuar në mënyrë intensive që të zbardhet ky rast. Lidhur me këtë është iniciuar rast për vepër penale “Mashtrimi” nga neni nga 323 të KPRK-së, ku shuma e saktë e cila i është marr të dëmtuarës është 10.000€, po ashtu është intervistuar e dëmtuara, ndërsa ende nuk është arritur të lokalizohet i dyshuari identiteti i të cilit është i njohur për policinë”, është përgjigjur Batusha për Infokus.

Ndryshe në raportin 24 orësh të Policisë së Kosovës kanë theksuar se e dëmtuara në këtë rast ka qenë me shtetësi të huaj.

“Ankuesja femër shqiptare me nënshtetësi të huaj, ka njoftuar se përmes rrjeteve sociale ishte mashtruar nga një person i panjohur. I dyshuari ishte prezantuar si shitës i komplekseve banesore  duke  i marr viktimës një shumë të konsiderueshme të hollash. Lidhur me rastin janë duke u ndërmarr veprime hetimore”, thuhet në njoftimin e policisë./Gazeta Infokus/

Iu prezantua si shitës banesash në rrjete sociale, Gjakovari i merr para një gruaje

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

fokus