Lajme

Garda e FSK-së ngrit flamurin amerikan në bulevardin Bill Clinton

Autori: Gazeta inFokus 14:26 | 04 July 2024

Garda e Forcës së Sigurisë së Kosovës ngriti të enjten flamurin amerikan në Prishtinë në shenjë nderimi për 4 korrikun, ditën e pavarësisë së Shteteve të Bashkuara të Amerikës.

Flamuri u ngrit në bulevardin që mban emrin e ish presidentit amerikan Bill Clinton, ku ndodhet edhe shtatorja kushtuar atij.

Udhëheqësit politikë të Kosovës përgëzuan popullin dhe qeverinë amerikane duke vlerësuar lartë rolin e Shteteve të Bashkuara në historinë më të re të Kosovës.

-Advertisement-

Presidentja e Kosovës, Vjosa Osmani, ka uruar shtetin amerikan duke thënë se është “Aleancë që vazhdon t’i mbijetojë kohës dhe sfidave!”.

“Sot, populli i Kosovës feston krahas popullit amerikan. Sot, kujtojmë vlerat e idealet mbi të cilat janë ndërtuar Shtetet e Bashkuara dhe aleanca jonë e fuqishme! Aleatëve tanë amerikanë: Gëzuar 4 Korriku! Happy Fourth of July!”, shkroi Osmani.

KFOR, misioni i NATO-s në Kosovë, ka uruar Shtetet e Bashkuara të Amerikës për përvjetorin e 248-të të pavarësisë.

“Gëzuar Ditën Kombëtare aleatëve tanë amerikanë”, thuhet në urimin e KFOR-it në Kosovë.

“Shtetet e Bashkuara janë një nga 22 aleatët që kontribuojnë me trupa në misionin KFOR”, thuhet në urim.

Subscribe në YouTube: GAZETA INFOKUSI